Pages

Showing posts with label റിലീസ്. Show all posts
Showing posts with label റിലീസ്. Show all posts

Monday, July 9, 2012

വീണ്ടും 'ചട്ടക്കാരി'



വീണ്ടും 'ചട്ടക്കാരി'
മുപ്പത്തിയെട്ട് വര്‍ഷങ്ങള്‍ക്കു ശേഷം ജൂലി വീണ്ടും എത്തുകയാണ്. ചട്ടക്കാരിയിലൂടെ അന്ന് നടി ലക്ഷ്മി അനശ്വരമാക്കിയ ആംഗ്ളോ ഇന്ത്യന്‍ യുവതിയെ പുതിയ സിനിമയില്‍ അവതരിപ്പിക്കുന്നത് ഷംനകാസിം ആണ്.
പ്രമുഖ സംവിധായകന്‍ കെ.എസ് സേതുമാധവന്‍െറ മകന്‍ സന്തോഷ് സേതുമാധവനാണ് 1974ല്‍ തോപ്പില്‍ ഭാസി തിരക്കഥയെഴുതിയ ചിത്രത്തിന്‍െറ പുതിയ പതിപ്പ് സംവിധാനം ചെയ്യുന്നത്. കെ.എസ് സേതുമാധവന്‍ തന്നെയായിരുന്നു ആദ്യത്തെ ചട്ടക്കാരി ഒരുക്കിയത്.ലക്ഷ്മി ചെയ്ത വേഷം ഷംന കാസിം ചെയ്യുമ്പോള്‍ മോഹന്‍ ചെയ്ത വേഷം അവതരിപ്പിക്കുന്നത് ഹേമന്ദാണ്. ആദ്യത്തെ ചട്ടക്കാരിയില്‍ ഉണ്ടായിരുന്ന അഭിനേതാക്കളില്‍ സുകുമാരി മാത്രമാണ് പുതിയ ചട്ടക്കാരിക്കൊപ്പമുള്ളത്.
എഞ്ചിന്‍ ഡ്രൈവറായ മോറീസിന്റെ(ഇന്നസെന്‍്റ്) മകളാണ് ജൂലി (ഷംന കാസിം). ജൂലിയുടെ കൂട്ടുകാരി ഉഷയുടെ സഹോദരനാണ് മോഹന്‍ (ഹേമന്ദ്). ഇരുവരും തമ്മില്‍ പ്രണയത്തിലാകുന്നതും തുടര്‍ന്നുണ്ടാകുന്ന സംഭവങ്ങളുമാണ് ചിത്രത്തിന്റെപ്രമേയം.
രേവതി കലാമന്ദിറിന്റെബാനറില്‍ സുരേഷ് കുമാര്‍ നിര്‍മ്മിക്കുന്ന ചിത്രത്തില്‍ ആറു ഗാനങ്ങളുണ്ട്. വിനു എബ്രഹാമാണ് തിരക്കഥയൊരുക്കിയിരിക്കുന്നത്. സംഗീതം എം.ജയചന്ദ്രന്‍. വിനോദ് ഇല്ലംപ്പള്ളിയുടേതാണ് ക്യാമറ.

Tuesday, January 31, 2012

ആദ്യദിനം അഗ്നീപഥിന് 23 കോടി;ബോഡിഗാര്‍ഡ് ഇനി പഴങ്കഥ

Agneepath
സംവിധായകന്‍ സിദ്ദിഖിന്‍െ ബോളിവുഡ് അരങ്ങേറ്റ ചിത്രമായ ബോഡിഗാര്‍ഡിന്റെ ആദ്യദിനെ കളക്ഷന്‍ റെക്കോര്‍ഡ് ഋത്വിക് റോഷന്റെ അഗ്നീപഥ് പഴങ്കഥയാക്കി.

വ്യാഴാഴ്ച റിലീസ് ചെയ്ത അഗ്നീപഥ് ആദ്യ ദിനത്തില്‍ 23 കോടി രൂപ കളക്ഷന്‍ നേടി. സല്‍മാനെയും കരീനയെയും മുഖ്യ കഥാപാത്രങ്ങളാക്കി സിദ്ദീഖ് സംവിധാനം ചെയ്ത് ബോഡീഗാര്‍ഡ് ആദ്യ ദിനം 21 കോടി രൂപയാണ് കളക്ഷനായി നേടിയത്.

ഒരു ബോളിവുഡ് ചിത്രത്തിന് ആദ്യ ദിനം ലഭിച്ച ഏറ്റവും വലിയ കളക്ഷനായിരുന്നു ഇത്. ഇതാണിപ്പോള്‍ അഗ്നീപഥ് മറികടന്നത്. 27,00 പ്രിന്റുകളുമായാണ് 75 കോടി രൂപ ചെലവിട്ട് നിര്‍മിച്ച അഗ്നീപഥ് റിപ്പബഌക് അവധിദിനത്തിന്റെ ആനുകൂല്യം പരമാവധി മുതലെടുത്തുവെന്നാണ് കരുതപ്പെടുന്നത്.

ചിത്രത്തിന്റെ സാറ്റ്‌ലൈറ്റ് അവകാശം 35 കോടി രൂപയ്ക്കും ഓഡിയോ അവകാശം ഒമ്പത് കോടി രൂപയ്ക്കും ഹോം വീഡിയോ അവകാശം 12 കോടി രൂപയ്ക്കും നേരത്തെ വിറ്റു പോയിരുന്നു.

മികച്ച അഭിപ്രായവും ഒറിജിനല്‍ ചിത്രവുമായി താരതമ്യപ്പെടുത്താന്‍ പ്രേക്ഷകര്‍ തയാറാവാത്തുമാണ് അഗ്നീപഥിന് വമ്പന്‍ ഓപ്പണിങ് നേടിക്കൊടുത്തിരിയ്ക്കുന്നത്. 2012ലെ ആദ്യ ഹിറ്റ് ചിത്രമെന്ന ബഹുമതിയും ഋത്വിക്ക് റോഷന്‍ ചിത്രം നേടുമെന്നാണ് റിപ്പോര്‍ട്ടുകള്‍.