Pages

Showing posts with label malayalam movies. Show all posts
Showing posts with label malayalam movies. Show all posts

Tuesday, September 18, 2012

സാമ്രാജ്യം-2, സണ്‍ ഓഫ് അലക്‌സാണ്ടര്‍



കൊച്ചി: മമ്മൂട്ടി നായകനായി തിളങ്ങിയ ഹിറ്റ് ചിത്രം സാമ്രാജ്യത്തിന്റെ രണ്ടാം ഭാഗം അണിയറയില്‍ ഒരുങ്ങുന്നു. തിരുപ്പാച്ചി, ശിവകാശി, തിരുപ്പതി തുടങ്ങി ആക്ഷന്‍ ചിത്രങ്ങളിലൂടെ തമിഴ് സിനിമ ലോകത്ത് മേല്‍വിലാസമുണ്ടാക്കിയ പേരരശാണ് ഈ ബിഗ് ബജറ്റ് ചിത്രം സംവിധാനം ചെയ്യുക. 'സാമ്രാജ്യം2, സണ്‍ ഓഫ് അലക്‌സാണ്ടര്‍' എന്നാണ് ചിത്രത്തിന് പേര്. എന്നാല്‍ ഇതുവരെയും നായകനായി എത്തുക ആരെന്ന സസ്‌പെന്‍സ് തുടരുകയാണ്. ദുല്‍കര്‍ സല്‍മാന്‍, പൃഥ്വിരാജ്, അല്ലു അര്‍ജ്ജുന്‍, ആര്യ തുടങ്ങിയവരുടെ ഒക്കെ പേരുകള്‍ പ്രചരിച്ചു. ഏതായാലും ഒക്‌ടോബര്‍ അഞ്ചിന് ദുബായില്‍ നടക്കുന്ന ചടങ്ങിലാകും നായകനും നായികയും ആരൊക്കെയെന്ന ചോദ്യത്തിന് ഉത്തരമാകുക. 

ആദ്യ ചിത്രത്തിന്റെ നിര്‍മ്മാതാവായ അജ്മല്‍ ഹസ്സനും, വ്യവസായിയായ ബൈജു ആദിത്യനും ചേര്‍ന്ന് നിര്‍മ്മിക്കുന്ന സാമ്രാജ്യം രണ്ട് വമ്പന്‍ ബജറ്റിലാകും ഒരുക്കുക. ആദ്യ ചിത്രത്തില്‍ ഉണ്ടായിരുന്ന മധു ഈ ചിത്രത്തിലും ഉണ്ടാകും. പ്രകാശ് രാജ്, അര്‍ജുന്‍, മനോജ്.കെ.ജയന്‍, ബിജു മേനോന്‍, സുരാജ് വെഞ്ഞാറമൂട്, ബാബുരാജ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കും.

22 വര്‍ഷങ്ങള്‍ക്ക് മുന്‍പാണ് അധോലോകത്തിന്റെ കഥയുമായി സാമ്രാജ്യം പ്രദര്‍ശനത്തിനെത്തിയത്. ജോമോനായിരുന്നു സംവിധായകന്‍. ഒന്നാം ഭാഗത്തില്‍ മമ്മൂട്ടി അവതരിപ്പിച്ച അലക്‌സാണ്ടര്‍ എന്ന കഥാപാത്രത്തിന്റെ മകന്റെ വരവാണ് രണ്ടാം ഭാഗത്തിലെ ഹൈലൈറ്റ്. 

വയലാര്‍ ശരത്തിന്റെ വരികള്‍ക്ക് ആര്‍.എ ഷഫീറാണ് സംഗീതം ഒരുക്കുക. ഇളയരാജ വ്യത്യസ്ഥമായ രീതിയില്‍ സംഗീത സംവിധാനം ചെയ്ത ചിത്രമായിരുന്നു സാമ്രാജ്യം. പുതിയ ചിത്രത്തില്‍ അദ്ദേഹം പാശ്ചാത്തല സംഗീതം നിര്‍വഹിക്കും.ഛായാഗ്രഹണം ശേഖര്‍ വി ജോസഫ്. ക്രിസ്മസിന് റിലീസായി സാമ്രാജ്യം2, സണ്‍ ഓഫ് അലക്‌സാണ്ടര്‍ തിയ്യേറ്ററുകളിലെത്തിക്കുവാനാണ് തീരുമാനം.

Friday, September 14, 2012

റണ്‍ ബേബി റണ്‍




കാലത്തിനൊത്ത പ്രമേയം തിരഞ്ഞെടുക്കുന്നതും ഡയലോഗുകളിലൂടെ മാത്രമല്ലാതെ ദൃശ്യങ്ങളിലൂടെയും കഥ പറയാം എന്ന ചിന്താഗതിയുമാണ് എന്തൊക്കെ പേരിട്ട് വിളിച്ചാലും മലയാള സിനിമയിലെ നവവസന്തത്തിന്റെ മുഖമുദ്ര. ഒരുപറ്റം യുവസംവിധായകരാണ് ഈ മാറ്റത്തിന് ചുക്കാന്‍ പിടിച്ചതെങ്കില്‍ എപ്പോഴും അപ്‌ഡേറ്റഡായി കാലത്തിനൊപ്പം സഞ്ചരിക്കുന്നതില്‍ മിടുക്ക് കാട്ടാറുള്ള ഡയറക്ടറാണ് ജോഷി.

ഓണക്കാലത്ത് ജോഷി ഒരുക്കിയ 'റണ്‍ ബേബി റണ്‍' ന്യൂജനറേഷന്റേയും ഓള്‍ഡ് ജനറേഷന്റേയും ഇഷ്ടം ഒരുപോലെ സമ്പാദിക്കുന്നു. ഒരു പെര്‍ഫക്ട് ചിത്രത്തില്‍ നിന്ന് അകലെയാണെങ്കിലും ഒറ്റവാക്കില്‍ പറഞ്ഞാല്‍ റണ്‍ ബേബി റണ്‍ കണ്ട ജനം നിരാശരാകില്ല. കഥ ഒറ്റവരിയില്‍ ചേര്‍ക്കാനുള്ളതേയുള്ളൂ. എന്നാല്‍ സിനിമയുടെ ചടുലമായ ആഖ്യാനമാണ് ഈ ത്രില്ലര്‍ സിനിമയെ വേറിട്ടുനിര്‍ത്തുന്നത്. 

ടെലിവിഷന്‍ ജേര്‍ണലിസത്തിന്റെ അന്തരീക്ഷമാണ് റണ്‍ ബേബി റണ്ണിന്റെ കഥാപരിസരം. ടി.വി ജേര്‍ണലിസ്റ്റുകള്‍ മുമ്പം കഥാപാത്രമായി മലയാളിക്ക് മുമ്പിലെത്തിയിട്ടുണ്ടെങ്കിലും പൂര്‍ണമായി അവരുടെ ജോലിയില്‍ കേന്ദ്രീകരിച്ചാണ് റണ്‍ ബേബി റണ്‍ നീങ്ങുന്നത്. വാര്‍ത്ത എങ്ങനെ കണ്ടെത്തുന്നു. അതിന്റെ ഉറവിടമെന്തൊക്കെയാകാം, ഉറവിടം വിശ്വസിക്കാവുന്നതാണോ, അതില്‍ അപകടസാധ്യത എങ്ങനെയൊക്കെ, ചതിയും വഞ്ചനയ്ക്കുമുള്ള സ്ഥാനം എല്ലാം സിനിമ അക്കമിട്ട് നിരത്തുന്നു. മുമ്പ് പാസഞ്ചര്‍ എന്ന ചിത്രത്തില്‍ രഞ്ജിത് ശങ്കര്‍ ഒരു പത്രപ്രവര്‍ത്തകയുടെ ജോലിയും വെല്ലുവിളികളും ഭീഷണികളും കുറച്ചൊക്കെ വിശദീകരിച്ചിരുന്നു. 

കെട്ടുറപ്പുള്ള തിരക്കഥയാണ് റണ്‍ ബേബി റണ്ണിന്റെ ബലം. ദൃശ്യമാധ്യമലോകത്തെക്കുറിച്ച് തിരക്കഥാകൃത്തായ സച്ചി നല്ല ഗൃഹപാഠം ചെയ്തുവെന്ന് സിനിമ വിളിച്ചുപറയുന്നു. മലയാളിക്ക് അത്ര പരിചിതമല്ലാത്ത ഈ മാധ്യമലോകത്തിന്റെ പിന്നാമ്പുറ കഥകളും സാങ്കേതിക ഉപകരണങ്ങളുടെ വിന്യാസവും അവയുടെ ഉപയോഗവും ഉള്‍ക്കൊള്ളുന്ന ദൃശ്യങ്ങള്‍ കൗതുകവും ജനിപ്പിക്കും. ടി.വി സ്‌ക്രീനില്‍ തെളിയുന്ന ബ്രേക്കിങ്‌ന്യൂസിനും എക്‌സ്‌ക്ലൂസീവിനും പിന്നിലെ അധ്വാനവും തന്ത്രവും ആസൂത്രണവും സൃഷ്ടിക്കുന്ന വാര്‍ത്തകളും ഒക്കെ ഇതില്‍ കാണാം.

റോയിട്ടേഴ്‌സിന്റെ സ്ട്രിങ്ങര്‍ പാനലിലുള്ള കാമറാമാനാണ് മോഹന്‍ലാല്‍ അവതരിപ്പിക്കുന്ന വേണു എന്ന കഥാപാത്രം. വ്യക്തിജീവിതത്തിലുണ്ടായ ഒരു സംഭവത്തോടെ കേരളം വിട്ട് ഡല്‍ഹിയിലും മുംബൈയിലുമായി ജോലിചെയ്യുന്ന വേണു പഴയൊരു കേസില്‍ മൊഴികൊടുക്കാനായി കേരളത്തിലെത്തുന്നതോടെയാണ് സിനിമ തുടങ്ങുന്നത്. പ്രമുഖ ചാനലിന്റെ റിപ്പോര്‍ട്ടറാണ് അമല പോള്‍ അവതരിപ്പിക്കുന്ന രേണുക. ചാനല്‍ പോരില്‍ എക്‌സ്‌ക്ലൂസീവിനായുള്ള ഒരു റിപ്പോര്‍ട്ടറുടെയും കാമറാമാന്റെയും ഓട്ടം പിന്നീടങ്ങോട്ട് നിര്‍ത്താതെയുള്ള ഓട്ടത്തിന് കാരണമാകുന്നതെങ്ങനെയാണ് ചിത്രം കാട്ടിത്തരുന്നു. മലയാള വാര്‍ത്താ ചാനല്‍ പോരില്‍ പകച്ചുനില്‍ക്കുന്ന മലയാളിക്ക് എന്താണ് ടെലിവിഷന്‍ വാര്‍ത്താ ചാനല്‍ ലോകമെന്നും അവിടെ നടക്കുന്നതെന്തൊക്കെയാണെന്നും കൃത്യമായ വിവരം പകരുകയും ഒപ്പം വിമര്‍ശന രൂപമവുമാകുന്നു സിനിമ. 

പ്രേക്ഷക മനസ്സിനെ തൃപ്തിപ്പെടുത്താന്‍ പോന്ന ചേരുവകളെല്ലാം സിനിമയില്‍ അടങ്ങിയിരിക്കുന്നു. വലിയ അഭിനയസാധ്യതയോ വെല്ലുവിളിയോ നിറഞ്ഞ വേഷമോ അല്ല മോഹന്‍ലാലിന്റെ വേണു. എന്നാല്‍ കഥാപാത്രമായി ഒതുങ്ങി പക്വതയുള്ള അഭിനയം അദ്ദേഹം കാഴ്ചവെച്ചിരിക്കുന്നു. അനായാസ അഭിനയശൈലി ലാലിനെ ഇഷ്ടപ്പെടുന്നവര്‍ക്ക് ഏറെ ആനന്ദം പകരും. ലാലിനൊപ്പം തന്നെ മുഴുനീള വേഷമാണ് അമല പോളിന്റെ രേണുകയ്ക്കും. ബിജുമേനോന്റെ ഹൃഷിശേഖറും ലാലിന്റ വേണുവും ചേര്‍ന്നുള്ള മുഹൂര്‍ത്തങ്ങളാണ് സിനിമയുടെ നര്‍മ്മരംഗങ്ങള്‍. ബിജുമേനോന്റെ പ്രകടനം ഒന്നിനൊന്ന് മെച്ചപ്പെട്ടുവരുന്നു. സിനിമ നായക കേന്ദ്രീകൃതമാകുന്നില്ല. ഇവിടെ നായകന്റെ വിജയവും പരാജയവും നിങ്ങള്‍ക്ക് കാണാം.

സായ്കുമാറിന്റെ രാഷ്ട്രീയക്കാരനും സിദ്ദിഖിന്റെ ബിസിനസ്സ് പ്രമുഖനും വേഷഭൂഷാദികളിലും ഭാവപ്രകടനങ്ങളിലും ഒന്നും പുതുമ നല്‍കാതെ കടന്നുപോകുന്നു. ഏറെക്കാലത്തിന് ശേഷം ഷമ്മിതിലകനും ചിത്രം ശ്രദ്ധിക്കപ്പെടുന്ന വേഷം നല്‍കി. ആര്‍.ഡി രാജശേഖറാണ് കൈയടി നേടുന്ന മറ്റൊരാള്‍. അത്ര സുന്ദരദൃശ്യങ്ങളാണ് ഈ ഛായാഗ്രാഹകന്റെ സംഭാവന. പ്രത്യേകിച്ചും ആറ്റുമണല്‍ പായയില്‍...എന്ന് തുടങ്ങുന്ന ഗാനരംഗം. റഫീഖ് അഹമ്മദിന്റെ വരികള്‍ക്ക് രതീഷ് വേഗ ഈണമിട്ട ഈ ഗാനം ഇതിനോടകം തന്നെ മലയാളികളുടെ ചുണ്ടില്‍ ഇടം പിടിച്ചു കഴിഞ്ഞു.

പ്രണയും തെറ്റിദ്ധാരണയും, ക്ലൈമാക്‌സിന് മുമ്പ് മാത്രം സത്യാവസ്ഥ തിരിച്ചറിയുന്നതും അങ്ങനെ ചില ക്ലീഷേകള്‍ റണ്‍ ബേബി റണ്ണും ആവര്‍ത്തിക്കുന്നു. ഗ്രാന്‍ഡ്മാസ്റ്റിലെ അന്തരീക്ഷത്തോട് സാമ്യമുണ്ട് നായികയും നായികനുമായുള്ള ബന്ധത്തിനും തെറ്റിദ്ധാരണയ്ക്കുമൊക്കെ.
സച്ചിയുടെ സ്‌ക്രിപ്റ്റില്‍ യുക്തിരാഹിത്യങ്ങളും പിഴവുകളും അങ്ങിങ്ങ് കടന്നുകൂടിയിട്ടുണ്ടെങ്കിലും അതിലേക്ക് പ്രേക്ഷകന്റെ ശ്രദ്ധപതിയാനുള്ള സമയം നല്‍കാതെ തിടുക്കത്തില്‍ കഥപറഞ്ഞുപോകാന്‍ ജോഷിക്ക് കഴിയുന്നു. നായകനും നായികയുമായുള്ള പ്രണയം ഒഴിവാക്കിയാലും സിനിമയ്ക്ക് ഒന്നും സംഭവിക്കില്ലായിരുന്നു. ഈ കുറവുകളൊക്കെയുണ്ടെങ്കിലും കെട്ടുറപ്പുള്ള തിരക്കഥ ലഭിച്ചാല്‍ തന്റെ ക്രാഫ്റ്റുകൊണ്ട് എങ്ങനെയൊരു ദൃശ്യാനുഭവമാക്കാമെന്ന് ജോഷി റണ്‍ ബേബി റണ്ണിലൂടെ വ്യക്തമാക്കുന്നു. സച്ചിയും സേതുവും സ്വതന്ത്രരായപ്പോള്‍ മല്ലുസിങ്ങുമായെത്തിയ സേതുവിനെ അപേക്ഷിച്ച് ആദ്യ സ്വതന്ത്ര സംരംഭത്തില്‍ സച്ചി മികച്ചൊരു തിരക്കഥയൊരുക്കി പ്രശംസ അര്‍ഹിക്കുന്നു

2005 ല്‍ മോഹന്‍ലാലിനെ നായകനാക്കി തന്നെയെടുത്ത നരന്‍ എന്ന ചിത്രത്തിന് ശേഷം ജോഷിയില്‍ നിന്നും ഇത്ര മികച്ചൊരു ചിത്രമുണ്ടായിട്ടില്ല. ഏതായാലും ഓണക്കാലത്തെ ബംബര്‍ തന്നെയാണ് റണ്‍ ബേബി റണ്‍.

എം.കെ 



Thursday, September 13, 2012

ടൂറിസ്റ്റ് ഹോം: ഒറ്റ ഷോട്ടില്‍ ഒരു സിനിമ




പത്ത് കഥകള്‍. പത്ത് പേരുടെ രചന. ഒറ്റ ഷോട്ടില്‍ ഒരു സംവിധായകന്റെ സിനിമ. പരീക്ഷണങ്ങളുടെ വേലിയേറ്റം നിറയുന്ന മലയാള സിനിമക്കൂട്ടത്തിലേക്ക് സമാനതകളില്ലാത്ത ദൗത്യവുമായി 'ടൂറിസ്റ്റ് ഹോം' എന്നൊരു സിനിമ എത്തുന്നു. ഒരു ടൂറിസ്റ്റ് ഹോമിലെ 10 മുറികളിലായി നടക്കുന്ന സംഭവങ്ങളാണ് സിനിമയ്ക്ക് ആധാരമാകുന്നത്. പ്ലസ് ടു എന്ന ടീനേജ് ചിത്രമൊരുക്കിയ ഷേബിയാണ് ടൂറിസ്റ്റ് ഹോമിന്റെ അമരക്കാരന്‍. ഒരു മെഡിക്കല്‍ കോളജിനോട് അനുബന്ധിച്ചാണ് കഥാപശ്ചാത്തലമായ 'ടൂറിസ്റ്റ് ഹോം'. നഗരത്തിന്റെ വിവിധഭാഗങ്ങളില്‍ നിന്നായി പല കാര്യങ്ങള്‍ക്കായി എത്തിയവരാണ് ടൂറിസ്റ്റ് ഹോമിലെ 10 മുറികളിലായി തങ്ങുന്നത്. ഇവര്‍ക്കിടയിലൂടെ 10 മുറികളിലായി നടക്കുന്ന സംഭവങ്ങളുടെ ആകെത്തുകയാണ് രണ്ട് മണിക്കൂറോളം ദൈര്‍ഘ്യം വരുന്ന സിനിമ.

'റഷ്യന്‍ ആര്‍ക്ക്' പോലെ ഒറ്റ ഷോട്ടില്‍ സിനിമകളുണ്ടെങ്കിലും ടൂറിസ്റ്റ് ഹോം റിലീസ് ചെയ്യുന്നതോടെ മലയാളത്തിനും ഇനി അങ്ങനെ ഒന്ന് സ്വന്തമാകുകയാണ്. കൊച്ചിയിലും പരിസരപ്രദേശങ്ങളിലുമായി ചിത്രീകരണം പൂര്‍ത്തിയായ സിനിമയില്‍ മുന്‍നിര താരങ്ങള്‍ ഉള്‍പ്പടെ അമ്പതോളം പേര്‍ കഥാപാത്രങ്ങളാകുന്നു. മെഗാ മീഡിയയുടെ ബാനറില്‍ ജോണ്‍ ജോസഫാണ് ടൂറിസ്റ്റ് ഹോം നിര്‍മ്മിക്കുന്നത്. ഛായാഗ്രഹകന്‍ ഫിറോസ് ഖാനാണ് ഒറ്റ ഷോട്ടില്‍ ഈ ദൗത്യം പൂര്‍ത്തിയാക്കിയത്. റഫീഖ് അഹമ്മദിന്റേതാണ് വരികള്‍. മഹേഷ് നാരായണന്‍ സംഗീതം ഒരുക്കിയിരിക്കുന്നു

നി.കൊ.ഞാ.ചാ....നിന്നേം കൊല്ലും ഞാനും ചാകും



ഉര്‍വശി തിയേറ്റേഴ്‌സിന്റെ ബാനറില്‍ സന്ദീപ് സേന്‍-വിനു എം.തോമസ് എന്നിവര്‍ നിര്‍മിച്ച് നവാഗതനായ ഗിരീഷ് സംവിധാനം ചെയ്യുന്ന നികൊഞാചാ.... നിന്നേം കൊല്ലും ഞാനും ചാകും എന്ന ചിത്രത്തിന്റെ ചിത്രീകരണം പുരോഗമിക്കുന്നു. ലാല്‍ജോസ്, ശ്യാമപ്രസാദ് എന്നിവരുടെ സഹസംവിധായകനായിരുന്ന ഗിരീഷ് ഈ ചിത്രത്തിലൂടെ സ്വതന്ത്ര സംവിധായകനാവുകയാണ്. 

സണ്ണി (സെക്കന്‍ഡ് ഷോ ഫെയിം), പ്രവീണ്‍, സഞ്ജു, ഷാനി, സൂരജ് രാമകൃഷ്ണന്‍, സിജാറോസ്, രോഹിണി ഇടിക്കുള, പാര്‍വതി നായര്‍ തുടങ്ങിയവര്‍ അഭിനയിക്കുന്നു. സംവിധായകന്‍തന്നെ തിരക്കഥയും രചിക്കുന്നു. ഗാനരചന: സന്തോഷ്. സംഗീതം: പ്രശാന്ത്പിള്ള. പി.ആര്‍.ഒ: വാഴൂര്‍ ജോസ്.

Tuesday, July 24, 2012

ബന്ധങ്ങളുടെ മാറ്ററിഞ്ഞ് 916



916. മഞ്ഞലോഹത്തിന്റെ പരിശുദ്ധിയുടെ മാനദണ്ഡമാണിത്. 916 സ്വര്‍ണമെന്നാല്‍ തെല്ലിട പോലും മാറ്റു കുറയാത്ത ശുദ്ധ 
സ്വര്‍ണമെന്നര്‍ഥം. ജീവിതബന്ധങ്ങളുടെ കാര്യത്തിലും ഇതേ പരിശുദ്ധി തേടുന്ന കുറച്ചു മനുഷ്യരുടെ കഥയാണ് സംവിധായകന്‍ 
എം. മോഹനന്‍ തന്റെ പുതിയ ചിത്രത്തില്‍ പറയുന്നത്. '916' എന്നു പേരിട്ടിരിക്കുന്ന ചിത്രത്തിന്റെ ഷൂട്ടിങ് കോഴിക്കോട് നഗരത്തിലും 
പരിസരപ്രദേശങ്ങളിലുമായി പുരോഗമിക്കുന്നു. സിനിമയുടെ കൗതുകങ്ങളെക്കുറിച്ച് സംവിധായകന്‍ സംസാരിക്കുന്നു 
പേരിലെ പുതുമ

ക്ഷസ്ഥര്‍ണത്തിന്റെയോ സ്വര്‍ണക്കച്ചവടക്കാരുടെയോ കഥയല്ല '916'. സൗഹൃദങ്ങളുടെയും ബന്ധങ്ങളുടെയും ആഴത്തെക്കുറിച്ച് പറയുന്ന സിനിമയാണിത്. നല്ല ബന്ധങ്ങള്‍, അതു സുഹൃത്തുക്കളോടായാലും ഉറ്റവരോടായാലും സ്വര്‍ണത്തിന്റെ പ്രയോജനമാണ് ചെയ്യുക. സ്വര്‍ണമെന്നാല്‍ ആഡംബരം മാത്രമല്ല, സമ്പാദ്യം കൂടിയാണ്. ജീവിതത്തില്‍ നല്ല ബന്ധങ്ങളുണ്ടെങ്കില്‍ അതു മികച്ചൊരു നിക്ഷേപത്തിന്റെ ഫലം ചെയ്യും എന്ന് ഈ സിനിമ കാട്ടിത്തരും. സ്‌നേഹമുള്ളവരെ പൊന്നുകൂട്ടി ''പൊന്നുമോളേ, പൊന്നുമോനേ'' എന്നൊക്കെ വിളിക്കുന്നത് കേട്ടിട്ടില്ലേ. സ്വര്‍ണത്തിന് നമ്മുടെ ജീവിതത്തിലുള്ള സ്വാധീനം അത് വ്യക്തമാക്കുന്നു. അതുകൊണ്ടാണ് സ്വര്‍ണത്തിന്റെ മൂല്യത്തിന്റെ അളവുകോലായ '916' എന്ന അക്കങ്ങള്‍ സിനിമയ്ക്ക് പേരായി സ്വീകരിച്ചത്. 

രണ്ട് ഡോക്ടര്‍മാര്‍, അവരുടെ ജീവിതം


രണ്ട് ഡോക്ടര്‍മാരുടെ ജീവിതമാണ് ചിത്രത്തിന്റെ കേന്ദ്രപ്രമേയം. അനൂപ് മേനോന്‍ അവതരിപ്പിക്കുന്ന ഡോ. ഹരികൃഷ്ണനും മുകേഷ് അവതരിപ്പിക്കുന്ന ഡോ. രമേഷും. ആതുരസേവനം കച്ചവടമാക്കരുതെന്ന ആദര്‍ശനിഷ്ഠയുള്ള വ്യക്തിയാണ് ഹരികൃഷ്ണന്‍. സര്‍ക്കാര്‍ ആസ്പത്രിയില്‍ പാവങ്ങളെ ചികിത്സിക്കുന്നതില്‍ ആനന്ദം കണ്ടെത്തുന്ന അദ്ദേഹം സന്തുഷ്ട ജീവിതം നയിക്കുന്നു. പ്ലസ്ടുകാരിയുടെ പിതാവ് കൂടിയാണ് വിഭാര്യനായ ഹരികൃഷ്ണന്‍. സുഹൃത്തായ ഹരികൃഷ്ണന്റെ ആദര്‍ശങ്ങളോട് അനുഭാവമുണ്ടെങ്കിലും സ്വന്തം ജീവിതത്തില്‍ അതൊന്നും പ്രാവര്‍ത്തികമാക്കാന്‍ സാധിക്കാത്തയാളാണ് ഡോ. രമേഷ്. സ്വന്തമായി ആസ്പത്രി നടത്തുന്നു. ഭാര്യയും ഡോക്ടര്‍ തന്നെ. ഹരികൃഷ്ണന്റെയും രമേഷിന്റെയും ജീവിതങ്ങളിലേക്ക് പ്രശാന്ത് എന്ന ചെറുപ്പക്കാരന്റെ വരവോടെയാണ് സിനിമ സംഭവബഹുലമാകുന്നത്. ബി.ടെക്. പൂര്‍ത്തിയാക്കിയിട്ടും തൊഴില്‍രഹിതനായി അലയുന്ന പ്രശാന്ത് ഡോ. ഹരികൃഷ്ണന്റെ മകളുമായി സൗഹൃദത്തിലാകുന്നു. ആസിഫ് അലിയാണ് ഈ വേഷം ചെയ്യുന്നത്.

ന്യൂജനറേഷനല്ല, ഓള്‍ ജനറേഷന്‍ 

ഇതൊരു ന്യൂജനറേഷന്‍ സിനിമയല്ല. എല്ലാ തലമുറയ്ക്കും ഇഷ്ടപ്പെടുന്ന രീതിയിലാണ് ചിത്രമൊരുക്കുന്നത്. കാലികമായ ഒരുപാടുകാര്യങ്ങള്‍ '916' ല്‍ ചര്‍ച്ച ചെയ്യപ്പെടുന്നുണ്ട്. ഇപ്പോള്‍ തിയേറ്ററില്‍ നിറഞ്ഞോടുന്ന ന്യൂജനറേഷന്‍ സിനിമകള്‍ പരിശോധിച്ചാലറിയാം, അവയിലൊക്കെ നന്മയുടെ അടിയൊഴുക്കുണ്ട്. 'ഉസ്താദ് ഹോട്ടലും' 'തട്ടത്തിന്‍ മറയത്തു'മൊക്കെ ഉദാഹരണം. ജനങ്ങള്‍ സിനിമയെ വീണ്ടും ഇഷ്ടപ്പെട്ടു തുടങ്ങിയതിന്റെ തെളിവാണ് ഈ ചിത്രങ്ങളുടെ വിജയം. ഈ ട്രെന്‍ഡ് മലയാള സിനിമയ്ക്ക് ഗുണം ചെയ്യും. ന്യൂജനറേഷന്‍ എന്ന പേരില്‍ അറുബോറന്‍ പടങ്ങള്‍ തട്ടിക്കൂട്ടി തിയേറ്ററുകളിലെത്തിച്ചുകൊണ്ട് പ്രേക്ഷകരെ വെറുപ്പിക്കരുത് എന്നേ പറയാനുള്ളൂ. 

താരങ്ങളെ കേന്ദ്രീകരിച്ചുകൊണ്ടുള്ള തിരക്കഥയൊരുക്കുന്ന ട്രെന്‍ഡില്‍ നിന്ന് മലയാളസിനിമ മാറിക്കഴിഞ്ഞു. മികച്ച കഥയ്ക്കും അതുപറയുന്നതിലെ പുതുമകള്‍ക്കുമാണിപ്പോള്‍ പ്രേക്ഷകര്‍ പ്രാധാന്യം നല്‍കുന്നത്. ന്യൂജനറേഷന്‍ സിനിമകളിലെ താരമായതുകൊണ്ടല്ല അനൂപ് മേനോനെ ഈ ചിത്രത്തിലെ നായകനാക്കിയത്. അനൂപിനെ വെച്ച് ആറുവര്‍ഷം മുമ്പേ ഈ സിനിമയെടുക്കുന്നതിനെക്കുറിച്ച് ആലോചിച്ചിരുന്നു. എന്നാല്‍ ഓരോ കാരണങ്ങള്‍ കൊണ്ട് ചിത്രം നീണ്ടുപോയി. 

'മാണിക്യക്കല്ലി'ന്റെ പുരസ്‌കാരത്തിളക്കം
ശ്രീനിവാസന്‍ തിരക്കഥയൊരുക്കിയ 'കഥ പറയുമ്പോള്‍' എന്ന ചിത്രത്തിലൂടെയാണ് സംവിധാനരംഗത്തെത്തിയത്. തുടര്‍ന്ന് ചെയ്ത 'മാണിക്യക്കല്ല്' എന്ന സിനിമയുടെ കഥയും തിരക്കഥയുമെഴുതിയത് ഞാന്‍ തന്നെയായിരുന്നു. ആ സിനിമയിലൂടെ 2011-ലെ മികച്ച കഥയ്ക്കുള്ള സംസ്ഥാനചലച്ചിത്ര അവാര്‍ഡ് നേടാനായതില്‍ അതിയായി സന്തോഷിക്കുന്നു. ഒരധ്യാപകന് വിദ്യാര്‍ഥികളുടെ ജീവിതങ്ങളെ എങ്ങനെയൊക്കെ സ്വാധീനിക്കാനാകും എന്ന ചിന്തയാണ് 'മാണിക്യക്കല്ലി'ലൂടെ പറയാന്‍ ശ്രമിച്ചത്. ഗുരുശിഷ്യബന്ധങ്ങളില്‍ ഒട്ടേറെ മൂല്യച്യുതികള്‍ സംഭവിച്ചുകൊണ്ടിരിക്കുന്ന ഇക്കാലത്ത് എന്റെ മനസ്സിലുണ്ടായ ആശങ്കകളില്‍ നിന്നായിരുന്നു 'മാണിക്യക്കല്ല്' പിറവിയെടുത്തത്. മാതൃഭൂമി ആഴ്ചപതിപ്പിലെ 'ചോക്കുപൊടി', 'മധുരച്ചൂരല്‍' എന്നീ പംക്തികളും സിനിമയുടെ രചനയെ സ്വാധീനിച്ചു.
പൃഥ്വിരാജ് വിരുദ്ധപ്രചാരണത്തില്‍ മുങ്ങിപ്പോയൊരു സിനിമയാണ് 'മാണിക്യക്കല്ല്'. 

പൃഥ്വിയുടെ വിവാഹത്തിനുശേഷം ആദ്യമായിറങ്ങിയ സിനിമയായിരുന്നു അത്. വിവാഹത്തെച്ചൊല്ലി ഒട്ടേറെ വിവാദങ്ങള്‍ ഉയര്‍ന്നത് ചിത്രത്തെയും ബാധിച്ചു. മുഖ്യധാരാമാധ്യമങ്ങള്‍ 'മാണിക്യക്കല്ലി'നെ പൂര്‍ണമായി അവഗണിക്കുകയായിരുന്നു. സിനിമ വ്യാപാരവിജയം നേടിയില്ല എന്നതിലുപരിയായി അതില്‍ ചര്‍ച്ച ചെയ്തകാര്യങ്ങള്‍ പൊതുസമൂഹത്തിനു മുന്നില്‍ എത്താതെ പോയി എന്നത് ഇന്നുമെന്നേ വേദനിപ്പിക്കുന്നുണ്ട്. 'മാണിക്യക്കല്ലി'ന് ലഭിച്ച പുരസ്‌കാരം സംവിധായകനെന്ന നിലയില്‍ എന്റെ ഉത്തരവാദിത്വം വര്‍ധിപ്പിക്കുകയാണ്. '916'ലും ആ മികവ് കാത്തുസൂക്ഷിക്കണമെന്ന് ആഗ്രഹിക്കുന്നു. 

'916'ന്റെ പിന്നിലുള്ളവര്‍

അനൂപ് മേനോന്‍, മുകേഷ് ആസിഫ് അലി എന്നിവര്‍ക്കുപുറമെ കെ.പി.എ.സി. ലളിത, മീര വാസുദേവ്, പാര്‍വണ, മാളവിക മേനോന്‍, മാമുക്കോയ, നന്ദു, കോട്ടയം നസീര്‍, ജാഫര്‍ ഇടുക്കി തുടങ്ങിയവരും ഈ സിനിമയില്‍ അഭിനയിക്കുന്നുണ്ട്. '916'ന്റെ തിരക്കഥയൊരുക്കിയതും സംവിധായകന്‍ തന്നെ. ക്യാമറ ഫൈസല്‍ അലി. എഡിറ്റിങ് രഞ്ജന്‍ പ്രമോദ്. സംഗീതം എം. ജയചന്ദ്രന്‍. ഗാനരചന റഫീഖ് അഹമ്മദ്, അനില്‍ പനച്ചൂരാന്‍, രാജീവ് നായര്‍, ആദിത്ത് ഐശ്വര്യ. സ്‌നേഹ മൂവീസിന്റെ ബാനറില്‍ കെ.വി. വിജയകുമാര്‍ പാലക്കുന്ന് ആണ് '916' നിര്‍മിക്കുന്നത്. 

Monday, July 16, 2012

തട്ടത്തിന്‍ മറയത്ത്‌



തട്ടമിട്ട ഉമ്മച്ചിക്കുട്ടി ചെറുപ്പം തൊട്ടേ ഒരു ദൗര്‍ബല്യം ആയിരുന്നു വിനോദിന്. അങ്ങനെ ഒരു കുട്ടിയെ കല്യാണം കഴിക്കാന്‍ ഇടവരണേ എന്നായിരുന്നു അവന്റെ വലിയ പ്രാര്‍ത്ഥനയും. മുതിര്‍ന്നപ്പോള്‍ ഹൂറിയെ പോലെ ഒരു പെണ്ണിനെ അവന്‍ കണ്ടു, ഐഷ. പിന്നെ അസ്ഥിക്ക് പിടിച്ച പ്രണയമാണ്, തട്ടത്തിനുള്ളിലെ അവളുടെ മുഖം മാത്രമായി അവന്റെ നിനവുകളിലും കനവുകളിലും. സാമ്പത്തികമായി രണ്ടു തട്ടില്‍ നില്‍ക്കുന്നവര്‍, വെവ്വേറെ ജാതിയില്‍ പെട്ടവര്‍, പക്ഷേ ഇതൊന്നും പ്രണയത്തില്‍ വീഴുമ്പോള്‍ വിനോദിനെയും ഐഷയേയും അലട്ടിയില്ല. വിനീത് ശ്രീനിവാസന്‍ തിരക്കഥ സംഭാഷണം സംവിധാനം നിര്‍വഹിച്ച 'തട്ടത്തിന്‍ മറയത്ത്' പറയുന്നത് ഈ വിനോദിന്റെയും (നിവിന്‍ പോളി) ഐഷയുടെയും (ഇഷ തല്‍വാര്‍) പ്രണയത്തെ കുറിച്ചാണ്, അവര്‍ നേരിടേണ്ടി വന്ന എതിര്‍പ്പുകളെ കുറിച്ചും.

ഇതിലെന്ത് പുതുമ എന്ന് തോന്നാം, പാവപ്പെട്ട നായകന്‍ പണക്കാരി പെണ്ണിനെ പ്രേമിക്കുന്നത് സിനിമ തുടങ്ങിയ കാലം തൊട്ടു ഉള്ളതല്ലേ എന്നും. പറഞ്ഞു പഴകിയ കഥയാണെങ്കിലും ഈ സിനിമയെ ആസ്വാദ്യമാക്കുന്നത് കഥ പറയുന്ന രീതിയാണ് സ്വാഭാവികമായ സംഭാഷണങ്ങളിലൂടെ, ചെറുപ്പക്കാരുടെ പള്‍സ് അറിഞ്ഞു സംവിധായകന്‍ ഒരുക്കുന്ന തമാശകളിലൂടെ, പിന്നെ എത്രയാവര്‍ത്തി പറഞ്ഞു കഴിഞ്ഞാലും മടുക്കാത്ത പ്രണയം എന്ന തീമിലൂടെ. ഈയൊരു സാധാരണ കഥയെ ഭംഗിയാക്കുന്നതില്‍ ജോമോന്‍ ടി ജോണിന്റെ ക്യാമറയും ഷാന്‍ റഹ്മാന്റെ സംഗീതവും വലിയ പങ്കു വഹിച്ചിട്ടുണ്ട്. 

സിനിമ ഇറങ്ങുന്നതിനു മുന്‍പ് തന്നെ ഇതിലെ ദൃശ്യങ്ങളും പാട്ടുകളും സോഷ്യല്‍ നെറ്റ്വര്‍ക്ക് സൈറ്റുകളില്‍ വന്‍ പ്രചാരം നേടിയിരുന്നു, ഇഷ തല്‍വാര്‍ എന്ന സുന്ദരിയും. വലിയ അവകാശ വാദങ്ങളില്ലാതെ, അറിയപ്പെടുന്ന താരങ്ങളില്ലാതെ (ശ്രീനിവാസന്‍ ഒഴിച്ച്, അതും വളരെ ചെറിയ വേഷത്തില്‍) സാരോപദേശ പ്രസംഗങ്ങളില്ല (സത്യന്‍ അന്തിക്കാടിന്റെ 'ഭാഗ്യ ദേവത' എന്ന ചിത്രത്തില്‍ ഇന്നസെന്റിന്റെ കഥാപാത്രം മകളുടെ മിശ്ര വിവാഹ സമയത്ത് നടത്തുന്ന പ്രസംഗം പോലെയുള്ളവ), വളരെ ചുരുങ്ങിയ ചിലവില്‍ ചെറുപ്പക്കാരുടെ കൂട്ടായ്മയില്‍ ഒരുങ്ങിയ ചിത്രം, മുസ്ലിം പശ്ചാത്തലമായിട്ടും ബിരിയാണി ചെമ്പും അപ്പത്തരങ്ങളും പുര നിറച്ചും കുട്ടികളും ബീവിമാരും ഇല്ല. നായക കഥപാത്രങ്ങളുടെ ബോറടിപ്പിക്കാത്ത അഭിനയം (ഇഷയ്ക്ക് സുന്ദരിയായിരിക്കുക എന്നതില്‍ കവിഞ്ഞു പ്രത്യേകിച്ചൊന്നും ചെയ്യാനില്ലെങ്കിലും), അജു വര്‍ഗീസ്, സണ്ണി വെയ്ന്‍ (വളരെ ചെറിയ റോളില്‍ ആണെങ്കിലും) തുടങ്ങിയവരുടെ മികച്ച പ്രകടനം, സ്ഥിരം ലൊക്കേഷനുകളില്‍ നിന്നു മോചനം, കേട്ടുമടുത്ത വള്ളുവനാടന്‍ മലയാളത്തിനു പകരം തലശ്ശേരി നാട്ടു ഭാഷയുടെ മാധുര്യം (നായികയുടെ ഡബ്ബിങ്ങില്‍ അത് കൈമോശം വരുന്നുണ്ട്) എന്നിവയെല്ലാം ഈ സിനിമയുടെ എടുത്തു പറയേണ്ട ഗുണങ്ങളാണ്.

വിനീത് ശ്രീനിവാസന്‍ വളരെ ബുദ്ധിപൂര്‍വ്വം എടുത്ത സിനിമയാണിത് , അല്ലെങ്കില്‍ ഒരുതരത്തിലെ escapism തലശ്ശേരി പശ്ചാത്തലമാക്കി ഒരു കഥ പറയുമ്പോള്‍ പറയേണ്ട എല്ലാ കാര്യങ്ങളും കമ്മ്യൂണിസം, ഭക്തി (മുത്തപ്പനും പടച്ചോനും ഒക്കെയുണ്ട്), ക്രിക്കറ്റ് ഭ്രമം എല്ലാം പറഞ്ഞു വയ്ക്ക്ന്നുണ്ട്, എന്നാല്‍ ഒന്നിലേക്കും ആഴത്തില്‍ പോവാതെ, ഇത് ഉമ്മച്ചിക്കുട്ടിയെ പ്രണയിച്ച നായര് ചെക്കന്റെ കഥ മാത്രമാണ് എന്ന മട്ടില്‍. ചില കാര്യങ്ങള്‍ തൊട്ടാല്‍ കൈ പൊള്ളും എന്ന് വിനീതിന് നന്നായി അറിയുന്നത് കൊണ്ടാവും എവിടെയും തൊടാതെ, ആരുടെയും വികാരങ്ങളെ വേദനിപ്പിക്കാത്ത രീതിയില്‍ ഇലയ്ക്കും മുള്ളിനും കേടില്ലാതെ ഈ സിനിമ ഒരുക്കിയിരിക്കുന്നത് എന്ന് മാത്രമല്ല പ്രേക്ഷകരുടെ കൈയടി നേടാനുള്ള ഡയലോഗുകള്‍ ധാരാളം സദാചാര പോലീസ് ചമയുന്നവരുടെ അടുത്ത് ' ഇദെന്താ പാകിസ്തനാണോ?', 'പാവപ്പെട്ടവന്റെ വിശപ്പ് കാണുമ്പോള്‍ കണ്ണ് നിറയുന്ന സ്‌നേഹത്തിന്റെ പേരാണ് കമ്മ്യൂണിസം' മുതലായവ ചില ഉദാഹരണങ്ങള്‍. 

തട്ടതിന്‍ മറയത്തു എന്ന ചിത്രത്തില്‍ തട്ടം എന്നത് മൂടിവച്ചതിനോടുള്ള നായകന്റെ obsession എന്ന തലത്തില്‍ മാത്രം ഒതുങ്ങുന്നു,
നിസ്‌ക്കാരപ്പായ വിരിക്കാനിടം തരുമോ' എന്ന് ചോദിക്കുന്ന മുസ്ലിം നായികയുമായി സിനിമ അവസാനിക്കുന്നു. എം എന്‍ വിജയനെ വായിച്ചതോര്‍ക്കുന്നു ഈ അവസരത്തില്‍, 'ബൈബിളില്‍ നിന്നും, ഖുറാനില്‍ നിന്നും ഗീതയില്‍ നിന്നും ഒരേ അര്‍ത്ഥമുള്ള വരികള്‍ വായിച്ചു എല്ലാ മതങ്ങളുടെയും അന്ത സത്ത ഒന്നാണെന്ന് കാണിച്ചു മതേതരത്വം കൊണ്ട് വരാമെന്ന് വ്യമോഹിക്കുന്ന കാലം കഴിഞ്ഞു' എന്നുള്ളത്. അത് സത്യവുമാണ്, പ്രത്യേകിച്ച് എല്ലാ മതസ്ഥരും കൂടുതല്‍ കൂടുതല്‍ യാഥാസ്ഥിതികരായി മാറിക്കൊണ്ടിരിക്കുന്ന, ജാതി ചിഹ്നങ്ങള്‍ വേഷഭൂഷാദികളില്‍ കൂടുതല്‍ പ്രകടമാക്കികൊണ്ടിരിക്കുകയും ചെയ്യുന്ന ഈ കാലത്തില്‍. 

Monday, July 9, 2012

വീണ്ടും 'ചട്ടക്കാരി'



വീണ്ടും 'ചട്ടക്കാരി'
മുപ്പത്തിയെട്ട് വര്‍ഷങ്ങള്‍ക്കു ശേഷം ജൂലി വീണ്ടും എത്തുകയാണ്. ചട്ടക്കാരിയിലൂടെ അന്ന് നടി ലക്ഷ്മി അനശ്വരമാക്കിയ ആംഗ്ളോ ഇന്ത്യന്‍ യുവതിയെ പുതിയ സിനിമയില്‍ അവതരിപ്പിക്കുന്നത് ഷംനകാസിം ആണ്.
പ്രമുഖ സംവിധായകന്‍ കെ.എസ് സേതുമാധവന്‍െറ മകന്‍ സന്തോഷ് സേതുമാധവനാണ് 1974ല്‍ തോപ്പില്‍ ഭാസി തിരക്കഥയെഴുതിയ ചിത്രത്തിന്‍െറ പുതിയ പതിപ്പ് സംവിധാനം ചെയ്യുന്നത്. കെ.എസ് സേതുമാധവന്‍ തന്നെയായിരുന്നു ആദ്യത്തെ ചട്ടക്കാരി ഒരുക്കിയത്.ലക്ഷ്മി ചെയ്ത വേഷം ഷംന കാസിം ചെയ്യുമ്പോള്‍ മോഹന്‍ ചെയ്ത വേഷം അവതരിപ്പിക്കുന്നത് ഹേമന്ദാണ്. ആദ്യത്തെ ചട്ടക്കാരിയില്‍ ഉണ്ടായിരുന്ന അഭിനേതാക്കളില്‍ സുകുമാരി മാത്രമാണ് പുതിയ ചട്ടക്കാരിക്കൊപ്പമുള്ളത്.
എഞ്ചിന്‍ ഡ്രൈവറായ മോറീസിന്റെ(ഇന്നസെന്‍്റ്) മകളാണ് ജൂലി (ഷംന കാസിം). ജൂലിയുടെ കൂട്ടുകാരി ഉഷയുടെ സഹോദരനാണ് മോഹന്‍ (ഹേമന്ദ്). ഇരുവരും തമ്മില്‍ പ്രണയത്തിലാകുന്നതും തുടര്‍ന്നുണ്ടാകുന്ന സംഭവങ്ങളുമാണ് ചിത്രത്തിന്റെപ്രമേയം.
രേവതി കലാമന്ദിറിന്റെബാനറില്‍ സുരേഷ് കുമാര്‍ നിര്‍മ്മിക്കുന്ന ചിത്രത്തില്‍ ആറു ഗാനങ്ങളുണ്ട്. വിനു എബ്രഹാമാണ് തിരക്കഥയൊരുക്കിയിരിക്കുന്നത്. സംഗീതം എം.ജയചന്ദ്രന്‍. വിനോദ് ഇല്ലംപ്പള്ളിയുടേതാണ് ക്യാമറ.

Tuesday, June 19, 2012

റൺ ബേബി റൺ (RUN BABY RUN)



ജോഷിയുടെ പുതിയ ചിത്രമായ റൺ ബേബി റൺ കാണിച്ചു തരുന്നത് ടി വി ചാനലുകളുടെ മത്സരവും അവർ നേരിടുന്ന വെല്ലുവിളികളുമാണ്.

പൂന ഫിലിം ഇന്‍സ്റ്റിറ്റിയൂട്ടില്‍ നിന്ന് ഗോള്‍ഡ് മെഡലോടെ കോഴ്‌സ് പൂര്‍ത്തിയാക്കിയ വേണുവിന് (മോഹൻലാൽ) സിനിമയല്ല, വാർത്തയുടെ ലോകമാണ് താത്‌പര്യം. ഏതെങ്കിലും ഒരു മാധ്യമസ്‌ഥാപനത്തിൽ ഒതുങ്ങിക്കൂടാൻ താത്‌പര്യമില്ലാത്ത വേണു ഫ്രീ ലാന്‍സ് ക്യാമറാമാനായി പ്രവര്‍ത്തിക്കുന്നു. അദ്ദേഹത്തിന്റെ വിഷ്വലുകൾ സ്വന്തമാക്കാൻ ചാനലുകൾ തമ്മിൽ മത്സരമാണ്. ഒരു പ്രമുഖ മലയാളം ന്യൂസ് ചാനലിലെ സീനിയർ റിപ്പോർട്ടർ ആണ് രേണുക (അമല പോൾ). സ്വന്തം പ്രഫഷനിൽ സമർഥ. രേണുകയും വേണുവും തമ്മിൽ സ്വരചേർച്ചയില്ല. എന്നാൽ ഒരു ദിവസം ഇവർക്ക് ഒരുമിച്ച് ഒരു വാർത്ത തേടി പോകേണ്ടി വന്നു. തുടർന്നുള്ള സംഭവങ്ങളാണ് റൺ ബേബി റൺ പറയുന്നത്.
സ്വന്തമായി ചാനൽ തുടങ്ങാനായി ന്യൂസ് ചാനൽ വിടുന്ന ഹൃഷികേശ് (ബിജു മേനോൻ) ആണ് ഈ സിനിമയിലെ മറ്റൊരു പ്രധാന കഥാപാത്രം. സിദ്ദിഖ്, സായ്‌കുമാർ, ഷമ്മി തിലകൻ, കൃഷ്‌ണകുമാർ തുടങ്ങിയവരാണ് മറ്റ് കഥാപാത്രങ്ങൾ. സച്ചിയുടേതാണ് തിരക്കഥ. ഛായാഗ്രഹണം ആർ ഡി രാജശേഖർ.രതീഷ് വേഗയാണ് സംഗീതസംവിധായകൻ. ഗാലക്സി ഫിലിംസിന്റെ ബാനറിൽ മിലാൻ ജലീൽ ആണ് ചിത്രം നിർമിക്കുന്നത്.
CREDITS
Director : Joshy
Script : Sachi
Cast : Mohanlal, Amala Paul, Biju Menon, Siddique, Sai Kumar, Shammi Thilakan, Krishnakumar etc
Camera : R. D. Rajasekhar
Music: Ratheesh Vegha
Producer : Milan Jaleel
Banner : Galaxy Films

സ്പിരിറ്റ് - യാത്രി ജെസെന്‍ എഴുതിയ നിരൂപണം


 
PRO
മദ്യപാനം ആരോഗ്യത്തിന് ഹാനികരം. കുടിക്കുന്ന ആളുടെ മാത്രമല്ല, അയാളുടെ കുടുംബത്തിന്‍റെ, സമൂഹത്തിന്‍റെ എല്ലാം ആരോഗ്യം നശിക്കും. സ്പിരിറ്റ് എന്ന സിനിമ നല്‍കുന്ന സന്ദേശമാണ്. രഘുനന്ദന്‍ എന്ന മനുഷ്യന്‍ മദ്യത്തില്‍ മുങ്ങിച്ചാകാതെ രക്ഷപ്പെടാന്‍ നടത്തുന്ന ശ്രമങ്ങളാണ് സ്പിരിറ്റിന്‍റെ പ്രമേയം. 

മോഹന്‍ലാല്‍ - രഞ്ജിത് കൂട്ടുകെട്ടില്‍ പിറന്ന ഒരു ആക്ഷന്‍ എന്‍റര്‍ടെയ്നറല്ല സ്പിരിറ്റ്. ഇതൊരു നരസിംഹമോ ആറാം തമ്പുരാനോ അല്ല. പക്ഷേ തിയേറ്ററിലെ ജനത്തിരക്ക് ഈ സിനിമകളെ ഓര്‍മ്മിപ്പിച്ചു. ഞാന്‍ നില്‍ക്കുന്നത് സ്പിരിറ്റ് കളിക്കുന്ന തിയേറ്ററില്‍ തന്നെയാണോ എന്ന് സംശയിച്ചു. അത്ര ബഹളം, ആവേശം.

സിനിമ തുടങ്ങുന്നത് സിദ്ദിക്കിന്‍റെ ശബ്ദത്തിലൂടെയാണ്. വളരെ ലളിതമായ ഓപ്പണിംഗ്. മോഹന്‍ലാലിന്‍റെ ഇന്‍‌ട്രൊഡക്ഷനൊക്കെ സാധാരണ രീതിയില്‍. ക്രിസ്ത്യന്‍ ബ്രദേഴ്സിലും ചൈനാ ടൌണിലുമൊക്കെ കണ്ടതുപോലെ പറന്നുവരുന്ന ലാല്‍ അല്ല. സാധാരണക്കാരന്‍, എന്നാല്‍ അസാധാരണമായ മാനസിക ഘടനയുള്ളവന്‍. രഘുനന്ദന്‍.

AAA ലോകത്തെ ആദ്യ ത്രീഡി രതി സിനിമ 14 ന്




07 Apr 2011

ചൈനീസ് ഭാഷയില്‍ പുറത്തിറങ്ങുന്ന ലോകത്തെ ആദ്യത്തെ ത്രീ ഡി രതി സിനിമയായ 'സെക്‌സ് ആന്റ് സെന്‍ എക്‌സ്ട്രീം എക്സ്റ്റസി' ലോകമെമ്പാടും റിലീസിനൊരുങ്ങുന്നു. ഏപ്രില്‍ 14 നാണ് ആദ്യഘട്ട റിലീസ്. ഹോങ്‌കോങ്, ദക്ഷിണ കൊറിയ, ന്യൂസിലന്‍ഡ്, ഓസ്‌ട്രേലിയ എന്നിവടങ്ങളിലാണ് ഏപ്രില്‍ 14 ന് റിലീസ് ചെയ്യുന്നത്. തൊട്ടടുത്ത ദിവസം അതായത് ഏപ്രില്‍ 15 ന് തായ്‌വാനിലും ഏപ്രില്‍ 28 ന് സിങ്കപ്പൂരിലും റഷ്യ, ഇറ്റലി, ഫ്രാന്‍സ്. പെറു എന്നിവിടങ്ങളില്‍ വരുന്ന ജൂണ്‍ 16 നും റിലീസ് ചെയ്യുന്ന സെക്‌സ് ആന്റ് സെന്‍ വാര്‍ത്താപ്രാധാന്യം കൊണ്ടുതന്നെ ഇതിനകം സൂപ്പര്‍ ഹിറ്റായിക്കഴിഞ്ഞു. 

ചൈനയില്‍ ചിത്രം കര്‍ശന സെന്‍സര്‍ഷിപ്പോടെ മാത്രമേ പുറത്തുവരികയുള്ളൂവെന്ന് ഉറപ്പായതോടെ സിങ്കപ്പൂരിലും ഹോങ്‌കോങിലും സിനിമാ കാണാനായി ടിക്കറ്റ് ബുക്ക് ചെയ്യുന്ന ചൈനീസ് യുവാക്കളുടെ എണ്ണം വന്‍തോതിലാണെന്നും വാര്‍ത്തയുണ്ട്. ചൈനയിലേതിനെ അപേക്ഷിച്ച് സെന്‍സര്‍ നിയമങ്ങള്‍ ഈ രാജ്യങ്ങളില്‍ ഉദാരമായതാണ് ഈ ബുക്കിങ് തിരക്കിന് കാരണം. 

അതേസമയം ചൈനയില്‍ ആറോളം ബുക്കിങ് സെന്ററുകള്‍ തുറന്നുകഴിഞ്ഞിട്ടുണ്ട്. സ്റ്റീഫന്‍ സിയു ആണ് 3.2 മില്യണ്‍ ഡോളര്‍ ചെലവഴിച്ച് സിനിമ നിര്‍മ്മിച്ചിരിക്കുന്നത്. സെക്‌സ് ആന്റ് സെന്‍ എന്ന 90 കളില്‍ സൂപ്പര്‍ ഹിറ്റായ ഒരു സെക്‌സ് അതിപ്രസര ചിത്രത്തിന്റെ റീമേക്കാണ് ഇപ്പോള്‍ ത്രീഡി സാങ്കേതികവിദ്യയുടെ സഹായത്തോടെ കൂടുതല്‍ മിഴിവോടെ പുറത്തിറങ്ങുന്നത്. 128 മിനിറ്റാണ് ചിത്രത്തിന്റെ ദൈര്‍ഘ്യം. 

യൂണിവേഴ്‌സ് ഇന്റര്‍നാഷണലാണ് ചിത്രം ലോകമെമ്പാടും വിതരണം ചെയ്യുന്നത്. ക്രിസ്റ്റഫര്‍ സ്യൂന്‍ ആണ് സംവിധായകന്‍. ഒരു കിടപ്പറയുടെ തൊട്ടരികില്‍ ഇരിക്കുന്ന അനുഭൂതിയാണ് പ്രേക്ഷകര്‍ക്ക് ചിത്രം സമ്മാനിക്കുകയെന്നാണ് ക്രിസ്റ്റഫറിന്റെ പക്ഷം. അശ്ലീലത്തിന്റെ അതിപ്രസരമുള്ള, പതിനേഴാം നൂറ്റാണ്ടില്‍ എഴുതപ്പെട്ടത് എന്ന് കരുതുന്ന ചൈനീസ് ക്ലാസിക് സാഹിത്യമായ 'ദ കാര്‍ണല്‍ പ്രേയര്‍ മാറ്റി'നെ അടിസ്ഥാനമാക്കിയാണ് ചിത്രത്തിന്റെ കഥയൊരുക്കിയിരിക്കുന്നത്. 

സവോരി ഹര, ഹയാമോ വോ എന്നിവരാണ് മുഖ്യവേഷത്തില്‍. ജപ്പാനിലെ സെക്‌സ് ബോംബായി അറിയപ്പെടുന്ന യുകിയോ സുവോയാണ് നായികാവേഷത്തില്‍ പ്രേക്ഷകരെ ഹരം കൊള്ളിക്കാന്‍ എത്തുന്നത്. നെഞ്ചിടിപ്പിക്കുന്ന ആ കാഴ്ച്ചകള്‍ക്കായി ചൈനീസ് ജനതയ്‌ക്കൊപ്പം കാത്തിരിക്കുകയാണ് ലോകമെമ്പാടുമുള്ള യുവാക്കള്‍. 


Monday, June 18, 2012

തടിയന്‍ വരുന്നു



പേരുകൊണ്ടും പ്രമേയംകൊണ്ടും ശ്രദ്ധിക്കപ്പെട്ട സോള്‍ട്ട് ആന്‍റ് പെപ്പര്‍, 22 എഫ്‌കെ എന്നിവയ്ക്കു ശേഷം കാഴ്ചയുടെ പുതിയ തംരഗമുണര്‍ത്താന്‍ ആഷിക് അബു വീണ്ടുമെത്തുന്നു. ടാ... തടിയാ... എന്നാണ് ചിത്രത്തിന്‍റെ പേര്. പുതുമുഖങ്ങളാണ് പ്രധാന കഥാപാത്രങ്ങളെ അവതരിപ്പിക്കുന്നത്.

പുതിയ ചിത്രത്തെക്കുറിച്ച് ആഷിക് പറയുന്നതിങ്ങനെ: ‘‘എല്ലാവരും മെലിഞ്ഞി രിക്കണം എന്നു പറയുന്ന സമൂഹത്തിലോട്ടാണ് ‘തടിയനുമായി എന്‍റെ വരവ്. ഒരു വശത്തു ജങ്ക് ഫുഡ് അടിച്ചു കയറ്റാന്‍ പ്രോത്സാഹിപ്പിക്കുകയും മറുവശത്തു തടി കുറയ്ക്കാനുള്ള മരുന്നുകളുമായി നില്‍ക്കുകയും ചെയ്‌യുന്ന ഉപഭോഗ സംസ്കാര ത്തിനെതിരെയുള്ള ഒരു വെല്ലുവിളിയാണ് ഇൗ ചിത്രം.

ആഷികിന്‍റെ ഭാഗ്യ തിരക്കഥാകൃത്തുക്കളുടെ സംഗമംകൂടിയാണ് ടാ... തടിയാ. സോള്‍ട്ട് ആന്‍റ് പെപ്പര്‍ ഒരുക്കിയ ശ്യാം പുഷ്കര്‍- ദിലീഷ് നായരും 22എഫ്‌കെയുടെ തിരക്കഥാകൃത്തിലൊരാളായ അഭിലാഷ് കുമാറും ചേര്‍ന്നാണ് ചിത്രത്തിന്‍റെ രചന നിര്‍വഹിക്കുന്നത്. തിരക്കഥ ജോലികള്‍ പുരോഗമിക്കുന്നു. ആഷികിന്‍റെ തന്നെ നിര്‍മ്മാണ കന്പനിയായ ഒാപ്പണ്‍ മൗത്ത് സിനിമാസിന്‍റെ കന്നി നിര്‍മാണ സംരംഭംമാണ് ടാ... തടിയാ. ഷൈജു ഖാലിദ് ആണ് ഛായാഗ്രഹണം നിര്‍വഹിക്കുന്നത്.

Tuesday, September 6, 2011

എന്തും ചെയ്യും കാജല്‍



ഫോട്ടോഷൂട്ടെന്നാല്‍ ഇങ്ങ് ഇന്ത്യയിലും അങ്ങ് പാശ്ചാത്യ രാജ്യങ്ങളിലും രണ്ടര്‍ഥമാണ്. ഹോളിവുഡ് അടക്കമുള്ള പാശ്ചാത്യ സിനിമാമേഖലയില്‍ ഫോട്ടോഷൂട്ടില്‍ എത്രമാത്രം തുണികുറവാണെന്ന് മാത്രം നോക്കിയാല്‍ മതി. ഇന്ത്യയിലാകട്ടെ സ്ഥിതി നേരേ മറിച്ചും. ഡിസൈനര്‍ വെയറുമണിഞ്ഞ് ആകെ പോഷ് ലുക്കിലാകും ഇന്ത്യയിലെ ഫോട്ടോഷൂട്ടുകള്‍. ഇപ്പോള്‍ ഇതാ ഹോളിവുഡ് സ്‌റ്റൈല്‍ ഫോട്ടോഷൂട്ടുമായി ഇന്ത്യന്‍ സിനിമാരംഗത്തെയാകെ ഞെട്ടിച്ചിരിക്കുന്നു ഒരു താര സുന്ദരി.

മറ്റാരുമല്ല തെലുങ്കില്‍ നിന്നെത്തി തമിഴിലും തമിഴില്‍ നിന്ന് ഹിന്ദിയിലേക്കുമെത്തിയ കാജല്‍ അഗര്‍വാള്‍ എന്ന സുന്ദരി. തെന്നിന്ത്യന്‍ സിനിമകളിലാണ് കൂടുതലായി തിളങ്ങിയതെങ്കിലും ബോളിവുഡ് താരറാണിമാരെ വരെ ഞെട്ടിച്ചിരിക്കുകയാണ് പുതിയ ഫോട്ടോഷൂട്ടിലൂടെ കാജല്‍. കൈകള്‍ മാറില്‍ പിണച്ചുവച്ചുള്ള കാജലിന്റെ പോസ് ഇതിനകം ചര്‍ച്ചയായിക്കഴിഞ്ഞു. ഹോളിവുഡ് നടിമാര്‍ പലരും ഇതേ രീതിയിലും ഇതിന്റെ അപ്പുറത്തേക്കും കടന്ന് ഫോട്ടോഷൂട്ടുകള്‍ക്ക് നിന്നുകൊടുത്തിട്ടുണ്ടെങ്കിലും ഒരു ഇന്ത്യന്‍ സിനിമാനടി ഇത്രയ്‌ക്കൊങ്ങെ അങ്ങ് ചെയ്യുന്നത് ഇതാദ്യം.

എഫ്എച്ച്എം മാഗസിന്റെ പുതിയലക്കത്തിന്റെ കവര്‍ മാഗസിനിലാണ് അര്‍ദ്ധനഗ്‌നയായി കാജല്‍ ആരാധകരുടെ നെഞ്ചില്‍ തീ കോരിയിടുന്നത്. മേല്‍വസ്ത്രമില്ലാതെ കൈകള്‍ പിണച്ചുവെച്ച് നഗ്‌നത മറയ്ക്കുന്ന കാജല്‍ തീര്‍ത്തും സുതാര്യമായ ലെഗ് ഇന്‍ അണിഞ്ഞാണ് ക്യാമറയ്ക്ക് പോസ് ചെയ്യുന്നത്. ഗ്ലാമറിന്റെ ഏത് അറ്റംവരെയും പോകാന്‍ താന്‍ തയാറെന്നാണ്് ബോളിവുഡില്‍ പുതിയ ഉയരങ്ങള്‍ തേടുന്ന കാജല്‍ ഈ ഫോട്ടോഷൂട്ടിലൂടെ നല്‍കുന്ന സന്ദേശം. ബി ടൗണിലെ മറ്റു താരസുന്ദരിമാര്‍ക്കെല്ലാം വരുംനാളുകളില്‍ കാജല്‍ ഭീഷണിയാകുമെന്ന കാര്യത്തിലും ഇനി സംശയം വേണ്ട.

തമിഴിലും തെലുങ്കിലും മുന്‍നിര താരങ്ങള്‍ക്കൊപ്പം അഭിനയിച്ച കാജല്‍ അജയ് ദേവ്ഗണ്‍ നായകനായ സിങ്കത്തിലൂടെയാണ് ബോളിവുഡില്‍ അരങ്ങേറിയത്. കാര്‍ത്തിക്കൊപ്പവും തെലുങ്കില്‍ ചിരഞ്ജീവിയുടെ മകന്‍ രാംചരണ്‍ തേജയ്‌ക്കൊപ്പവുമുള്ള കാജലിന്റെ സിനിമകള്‍ ഹിറ്റ് ചാര്‍ട്ടില്‍ ഇടംപിടിച്ചിരുന്നു. മഗധീരയെന്ന ബ്രഹ്മാണ്ഡ ഹിറ്റിലാണ് രാംചരണിനൊപ്പം കാജല്‍ ഒന്നിച്ചത്.

അതിന് ശേഷം സൂര്യ നായകനായ തമിഴ് സിങ്കത്തിന്റ ഹിന്ദി റീമേക്കായ അജയ് ദേവഗന്റെ സിങ്കത്തില്‍ നായികയായി കാജല്‍. ഹിന്ദിയിലെത്തിയതോടെ തന്റെ യഥാര്‍ഥ മുഖം കാജല്‍ പുറത്തെടുത്തു. തന്നെ ഒരിക്കലും ഒരു തെന്നിന്ത്യന്‍ നടിയായി കാണരുതെന്നായിരുന്നു കാജലിന്റെ പ്രസ്താവന. തെന്നിന്ത്യന്‍ സിനിമയെ വിലകുറച്ചുള്ള ഈ അഭിപ്രായപ്രകടനം വന്‍ വിവാദങ്ങള്‍ക്ക് തിരികൊളുത്തിയിരുന്നു.

ബൊമ്മലാട്ടം എന്ന സിനിമയിലൂടെ കാജലിന് അരങ്ങേറാന്‍ അവസരം നല്‍കിയ ഭാരതിരാജയും താരത്തിനെതിരേ ആഞ്ഞടിച്ചു. മുംബൈയിലെ ഒരു കടയില്‍ സെയ്ല്‍സ്‌ഗേളായിരുന്നു കാജലെന്നും അവിടെ നിന്ന് അവസരം നല്‍കി കൈപിടിച്ചുയര്‍ത്തിയ സിനിമാ ഇന്‍ഡസ്ട്രിയെ തള്ളിപ്പറയുന്നത് തെറ്റായിപ്പോയെന്നും ഭാരതിരാജ അഭിപ്രായപ്പെട്ടു.

Wednesday, July 20, 2011

മമ്മൂട്ടിയുടെ മകനു വധു ഉറുദുസുന്ദരി

സ്വന്തം ലേഖകന്‍

തിരുവനന്തപുരം: സൂപ്പര്‍സ്റ്റാര്‍ മമ്മൂട്ടിയുടെ മകന്‍ സല്‍മാന്‍ വിവാഹിതനാവുന്നു. മലയാളത്തിന്റെ പ്രിയതാരത്തിന്റെ മകന്റെ വിവാഹ നിശ്ചയം ഈ വരുന്ന 21 -ാം തീയതി മദ്രാസിലെ മമ്മൂട്ടിയുടെ അഡയാറിലുളള സല്‍മഹാത്തില്‍ നടക്കും. കേരളത്തിന് പുറത്തു നിന്നാണ് വധു. ഉറുദ്ദു പശ്ചാത്തലമുളള ഉന്നത മുസ്‌ലിം പാരമ്പര്യമുളള കുടുംബത്തില്‍ നിന്നുളള പെണ്‍കുട്ടിയാണ് സല്‍മാന്റെ വധു. സാധാരണ താരങ്ങളുടെ മക്കള്‍ പിന്‍തുടര്‍ച്ചപോലെ അഭിനയ രംഗത്തേക്ക് കടന്നുവരാറുണ്ട്. എന്നാല്‍ മമ്മൂട്ടിയുടെ മകന്‍ ഇതിനൊരു അപവാദമാണ്. ഇടക്കാലത്ത് സല്‍മാന്‍ അഭിനയ രംഗത്ത് എത്തിയേക്കുമെന്ന് അഭ്യൂഹങ്ങള്‍ ഉണ്ടായിരുന്നു. തമിഴകത്തെ പ്രമുഖ സംവിധായകന്റെ ചിത്രത്തില്‍ അരങ്ങേറ്റം കുറിക്കുമെന്നായിരുന്നു വാര്‍ത്തകള്‍ പ്രചരിച്ചിരുന്നത്. എന്നാല്‍ പതിവിന് വിരുദ്ധമായി ചലച്ചിത്ര നിര്‍മ്മാണ വിതരണ രംഗത്താണ് സല്‍മാന്‍ ശ്രദ്ധപതിപ്പിച്ചത്. മമ്മൂട്ടിയുടെ ഉടമസ്ഥതയിലുളള പ്‌ളേഹൗസിന്റെ നിയന്ത്രണം സല്‍മാന്റെ നേതൃത്വത്തിലായിരുന്നു. നേരത്തെ തന്നെ തെന്നിന്ത്യയില്‍ സോഫ്റ്റ്‌വെയര്‍ ബിസിനസ്‌സ് രംഗത്ത് നിലയുറപ്പിച്ചിട്ടുളള മമ്മൂട്ടിയുടെ ഇതര ബിസിനസ്‌സുകളും നിയന്ത്രിക്കുന്നത് സല്‍മാനാണ്. ബാല്യം മുതല്‍ സിനിമാ സാമ്രാജ്യം കണ്ടു വളര്‍ന്ന സല്‍മാന് സിനിമാരംഗത്തെ മിക്കവരെയും നന്നായി അറിയാം. മമ്മൂട്ടിയുടെ ചലച്ചിത്ര രംഗത്തെ വളര്‍ച്ചയുടെ ഭാഗമായി കൊച്ചിയില്‍ നിന്നും മദ്രാസിലേക്ക് താമസം മാറിയതൊടെ സല്‍മാന്റെ പഠനം മദ്രാസിലായിരുന്നു. സ്‌കൂള്‍ തലത്തിലെ വിദ്യാഭ്യാസം മദ്രാസില്‍ പൂര്‍ത്തിയാക്കിയതിനു ശേഷം അമേരിക്കയിലായിരുന്നു സല്‍മാന്‍ ബിസിനസ്‌സ് മാനേജ്‌മെന്റ് പഠനം നടത്തിയത്.

മമ്മൂട്ടിയുടെ മകള്‍ വിവാഹം കഴിച്ചിരിക്കുന്നതും കേരളത്തിന് പുറത്താണ്. ഇന്ത്യയിലെ പുരാതന പാരമ്പര്യമുളള മുസ്‌ലിം കുടുംബത്തില്‍ നിന്നാണ് സുറുമിക്ക് വരനെ കണ്ടെത്തിയത്. മകന്റെ വിവാഹം ഉറപ്പിച്ചെങ്കിലും മമ്മൂട്ടി തിരക്കോടു തിരക്കിലാണ്. സെറ്റുകളില്‍ നിന്നും സെറ്റുകളിലേക്കു സൂപ്പതാരത്തിന്റെ പ്രയാണം തുടരുകയാണ്. പ്രശസ്ത സംവിധായകന്‍ ശ്യാമപ്രസാദിന്റെ ചിത്രത്തിലും തൊട്ടുപിന്നാലെ ജോണി ആന്റണിയുടെ സിനിമയ്ക്കുമാണ് മമ്മൂട്ടി ദിനങ്ങല്‍ മാറ്റിവച്ചിരിക്കുന്നത്. ഇലക്ട്ര'യ്ക്ക് ശേഷം ശ്യാമപ്രസാദ് സംവിധാനം ചെയ്യുന്ന ചിത്രത്തില്‍ മമ്മൂട്ടിയാണ് നായകവേഷത്തില്‍. വിന്ധ്യനാണ് നിര്‍മ്മാണം. ശ്യാമപ്രസാദിന്റെ സിനിമ വിന്ധ്യന്‍ നിര്‍മ്മിക്കുന്നത് ഇത് മൂന്നാം തവണയാണ്. മമ്മൂട്ടിച്ചിത്രത്തിന് തിരക്കഥയെഴുതുന്നതും ശ്യാമപ്രസാദ് തന്നെയാണ്. ഏറെ പ്രത്യേകതകളുള്ള ഒരു കഥാപാത്രത്തെയാണ് ശ്യാം ഈ ചിത്രത്തില്‍ മെഗാസ്റ്റാറിനുവേണ്ടി തയ്യാറാക്കുന്നത്. ഒരു െ്രെകമിന്റെ പശ്ചാത്തലത്തില്‍ നടക്കുന്ന കഥയാണ് ഈ സിനിമയുടേതെന്ന് സൂചനയുണ്ട്. നേരത്തെ ശ്യാമപ്രസാദിന്‍രെ ഒരേ കടല്‍ എന്ന ചിത്രത്തില്‍ മമ്മൂട്ടി വേഷമിട്ടിരുന്നു. 2007ലാണ് 'ഒരേ കടല്‍' റിലീസ് ചെയ്തത്. സുനില്‍ ഗംഗോപാദ്ധ്യായയുടെ ഹീരക് ദീപ്തി എന്ന നോവലില്‍ നിന്നും ആശയം ഉള്‍ക്കൊണ്ടതായിരുന്നു ആ ചിത്രം. മമ്മൂട്ടി അവതരിപ്പിച്ച നാഥന്‍ എന്ന കഥാപാത്രം അദ്ദേഹത്തിന്റെ കരിയറിലെ ഏറ്റവും മികച്ച വേഷങ്ങളിലൊന്നാണ്. മികച്ച പ്രാദേശിക ചിത്രത്തിനും സംഗീത സംവിധാനത്തിനുമുള്ള ദേശീയ പുരസ്‌കാരം ഒരേ കടല്‍ സ്വന്തമാക്കിയിരുന്നു. ഏഷ്യാനെറ്റ്, ഫൊക്കാന, വനിത, അമൃത, ദുബായ് 'അമ്മ' തുടങ്ങിയവയുടെ മികച്ച നടനുള്ള പുരസ്‌കാരം ഒരേ കടലിലൂടെ മമ്മൂട്ടി സ്വന്തമാക്കി. മികച്ച നടിക്കുള്ള സംസ്ഥാന പുരസ്‌കാരം മീരാ ജാസ്മിനും ഒരേ കടല്‍ നേടിക്കൊടുത്തു. എന്തായാലും മമ്മൂട്ടിയും ശ്യാമപ്രസാദും വീണ്ടും ഒന്നിക്കുന്നത് കലാമൂല്യമുള്ള സിനിമകളെ സ്‌നേഹിക്കുന്ന പ്രേക്ഷകര്‍ക്ക് ആഹ്ലാദം പകരുന്ന വാര്‍ത്തയാണ്. ശ്യാമപ്രസാദിന്റെ സിനിമയ്ക്കുശേഷം കോമഡി ചിത്രങ്ങളുടെ ഉസ്താദായ ജോണി ആന്റണിയുടെ ചിത്രത്തിലാണ് മമ്മൂട്ടി അഭിനയിക്കുന്നത്. ഏറെ പ്രതീക്ഷകളോടെ വന്‍ ബജറ്റില്‍ ഒരുക്കിയ പട്ടണത്തില്‍ ഭൂതത്തിന്റെ പരാജയത്തിന് ശേഷമാണ് ജോണിയ്ക്ക് വീണ്ടും മമ്മൂട്ടി ഡേറ്റ് നല്‍കുന്നത്.

സിബി കെ തോമസ് ഉദയ് കൃഷ്ണ ടീമിന്റെ തിരക്കഥയും ഭൂതവും മമ്മൂട്ടിയുടെ കോമഡിയും ചേരുമ്പോള്‍ പട്ടണത്തില്‍ ഭൂതം മറ്റൊരു തുറുപ്പുഗുലാനായി മാറുമെന്നായിരുന്നു സംവിധായകന്റെ പ്രതീക്ഷ. എന്നാല്‍ ബോക്‌സ് ഓഫീസില്‍ മൂക്കുംകുത്തി വീഴാനായിരുന്നു സിനിമയുടെ വിധി. പാളിപ്പോയ തിരക്കഥയും മമ്മൂട്ടി അവതരിപ്പിച്ച ഭൂതത്തിന്റെ സൗണ്ട് ട്രാക്കുമായിരുന്നു സിനിമയുടെ പ്രധാനപരാജയകാരണം. ഇതിനെല്ലാം പുറമെ കാലം തെറ്റിയ റിലീസും സിനിമയുടെ പരാജയത്തിന് ആക്കം കൂട്ടി. എന്തായാലും ജോണിയെ കൈവിടാന്‍ മമ്മൂട്ടി തയാറായില്ലെന്നാണ് പുതിയ നീക്കം തെളിയിക്കുന്നത്. അതേ സമയം മമ്മൂട്ടി പ്രൊജക്ടില്‍ ജോണിയുടെ പ്രിയസുഹൃത്തുക്കളായ സിബി കെ തോമസ് ഉദയ് കൃഷ്ണയുമില്ല. പകരം പുതിയ മുഖം എല്‍സമ്മ എന്നീ ഹിറ്റുകളുടെ തിരക്കഥയൊരുക്കിയ എം സിന്ധുരാജാണ് മമ്മൂട്ടി ചിത്രത്തിന് തൂലിക ചലിപ്പിയ്ക്കുന്നത്. ഗ്യാലക്‌സി ഫിലിംസിന്റെ ബാനറില്‍ മിലന്‍ ജലീല്‍ നിര്‍മിയ്ക്കുന്ന ചിത്രം 2012ലെ വിഷുച്ചിത്രമായി തിയറ്ററുകളിലെത്തുമെന്നാണ് സൂചന.

Friday, July 15, 2011

തിരക്കുമൂലം ലാല്‍ വേണ്ടെന്നുവച്ച ചലചിത്രഅക്കാദമി അധ്യക്ഷസ്ഥാനം അതിനേക്കാള്‍ തിരക്കുള്ള പ്രീയന്‍ ഏറ്റെടുത്തു

സ്വന്തം ലേഖകന്‍

തിരുവനന്തപുരം: സംസ്ഥാന ചലചിത്ര അക്കാദമിയുടെ അമരക്കാരന്‍ ഹിന്ദു ചലചിത്രലോകത്തെ തിരക്കിന് അവധിനല്കി ഓഫീസിലെത്തി. ഹിന്ദി ചലച്ചിത്രലോകം കീഴടക്കിയ സംവിധായകന്‍ പ്രിയദര്‍ശന്‍, മലയാള സിനിമയുടെ അമരക്കാരനാകാന്‍ ഇന്നലെയാണ് തിരുവനന്തപുരത്തെത്തിയത്. നേരത്തെ സൂപ്പര്‍സ്റ്റാര്‍ മോഹന്‍ലാലിനോട് ചലചിത്ര അക്കാദമി അധ്യക്ഷസ്ഥാനം ഏറ്റെടുക്കണമെന്നു സാംസ്‌കാരിക മന്ത്രി ഗണേഷ് കുമാര്‍ ഉള്‍പ്പെടെയുള്ളവര്‍ ആവശ്യപ്പെട്ടിരുന്നു. എന്നാല്‍ തിരിക്കാണെന്നു പറഞ്ഞ് അദ്ദേഹം ഒഴിയുകയായിരുന്നു. എന്നാല്‍ ലാലിന്റെ പത്തിരട്ടി തിരക്കുള്ള പ്രീയന്‍ ഇന്നലെ തിരുവനന്തപുരത്തെത്തി സ്ഥാനമമേറ്റു.

ആദ്യദിനം തന്നെ സൂപ്പര്‍സംവിധായകന് തിരക്കിന്റെ ദിനമായിരുന്നു. രാവിലത്തെ വിമാനത്തില്‍ ചെന്നൈയില്‍ നിന്നെത്തിയ അദ്ദേഹം നേരെ നിയമസഭയിലേക്കു പോയി. അവിടെ വകുപ്പു മന്ത്രിയും സഹപ്രവര്‍ത്തകനുമായ കെ.ബി. ഗണേഷ്‌കുമാറുമായി ഹ്രസ്വ ചര്‍ച്ച. തുടര്‍ന്നു രാഹുകാലത്തിനു മുന്‍പു സ്ഥാനമേല്‍ക്കാനായി ശാസ്തമംഗലത്തെ ചലച്ചിത്ര അക്കാദമി ഓഫിസിലേക്കു പുറപ്പെട്ടു. അവിടെ പ്രിയന്റെ വരവും പ്രതീക്ഷിച്ചു മാധ്യമപ്രവര്‍ത്തകര്‍ കാത്തുനില്‍പ്പുണ്ടായിരുന്നു.

ഒരു മണിക്കു മുന്‍പേ അദ്ദേഹം ഒപ്പുവച്ചു ചുമതലയേറ്റു.  അക്കാദമി സെക്രട്ടറി ഡോ. കെ.എസ്. ശ്രീകുമാര്‍, രാജ്യാന്തര ചലച്ചിത്രോല്‍സവത്തിന്റെ ചുമതലയുള്ള ബീന പോള്‍ എന്നിവരെയും അക്കാദമിയിലെ ജീവനക്കാരെയും പുതിയ ചെയര്‍മാന്‍ പരിചയപ്പെട്ടു. ഇത്തരമൊരു ഭരണപരമായ പദവി എന്നെങ്കിലും തന്നെ തേടിയെത്തുമെന്നു പ്രതീക്ഷിച്ചിരുന്നില്ലെന്നും ഇത്തരം ജോലികള്‍ക്കു താന്‍ പറ്റുമെന്നു തോന്നിയിട്ടില്ലെന്നും പ്രിയദര്‍ശന്‍ തുറന്നുപറഞ്ഞു. തനിക്കു താല്‍പര്യമുള്ള ദൗത്യമാണിത്. അതിനാല്‍ വെല്ലുവിളിയായിക്കണ്ട് ഏറ്റെടുക്കുന്നു. സിനിമയുടെ തിരക്കുണ്ടെങ്കിലും അക്കാദമിയുടെ പ്രവര്‍ത്തനത്തിനായി സമയം കണ്ടെത്തും. മുഴുവന്‍ സമയവും ഇവിടെ ചെലവഴിക്കാന്‍ തനിക്കു സാധിക്കില്ല.

പക്ഷേ ചെയര്‍മാന്‍ എന്ന നിലയില്‍ തന്റെ സാന്നിധ്യം ആവശ്യമുള്ളപ്പോഴെല്ലാം ഇവിടെയുണ്ടാകും. ഈ പുതിയ ജോലി ഭംഗിയായി ചെയ്യുന്നതിനു മറ്റുള്ളവരുടെ സഹായം ലഭിക്കുമെന്ന് ഉറപ്പാണ്. അതിനാല്‍ നന്നായി പ്രവര്‍ത്തിക്കാന്‍ സാധിക്കുമെന്നു പ്രതീക്ഷിക്കുന്നു. ജോലികള്‍ എന്തൊക്കെയാണെന്ന് ഇനി പഠിക്കണം. മലയാള സിനിമയുടെ വളര്‍ച്ചയ്ക്കും നന്മയ്ക്കുമായി പരമാവധി ശ്രമം നടത്തുമെന്നും അദ്ദേഹം പറഞ്ഞു. 'അറബിയും ഒട്ടകവും പിന്നെ പി. മാധവന്‍ നായരും എന്ന പുതിയ സിനിമയുടെ നിര്‍മാണ ജോലികളുടെ തിരക്കിലാണു പ്രിയദര്‍ശന്‍. മറ്റൊരു മലയാള സിനിമയെക്കുറിച്ച് ഉടനെ ആലോചിക്കുന്നില്ലെന്നും അദ്ദേഹം പറഞ്ഞു. തുടര്‍ന്നു സംസ്ഥാന ടിവി അവാര്‍ഡ് ജേതാക്കളുടെ സര്‍ട്ടിഫിക്കറ്റുകളില്‍ അക്കാദമി ചെയര്‍മാന്‍ എന്ന നിലയില്‍ പ്രിയദര്‍ശന്‍ ഒപ്പുവച്ചു. സുഹൃത്തും നിര്‍മാതാവുമായ ജി. സുരേഷ്‌കുമാര്‍, സംവിധായകന്‍ ഗിരീഷ്, നടന്‍ പൂജപ്പുര രാധാകൃഷ്ണന്‍ തുടങ്ങിയവര്‍ പ്രിയനോടൊപ്പം ഉണ്ടായിരുന്നു.

ഔദ്യോഗിക ജോലികള്‍ പൂര്‍ത്തിയാക്കിയ ശേഷം അദ്ദേഹം വീണ്ടും നിയമസഭയിലേക്കു പുറപ്പെട്ടു.  അവിടെ മുഖ്യമന്ത്രി ഉമ്മന്‍ ചാണ്ടിയുമായി കൂടിക്കാഴ്ച. പ്രിയദര്‍ശന് എല്ലാവിധ പിന്തുണയും വാഗ്ദാനം ചെയ്ത മുഖ്യമന്ത്രി ആഹ്ലാദത്തിലായിരുന്നു. ഇതിനിടെ പ്രിയന്‍ എത്തിയെന്നറിഞ്ഞു വി.ഡി. സതീശന്‍, ടി.എന്‍. പ്രതാപന്‍ തുടങ്ങിയ യുഡിഎഫ് എംഎല്‍എമാര്‍ അദ്ദേഹത്തിനു ചുറ്റും കൂടി. പുതിയ സ്ഥാനലബ്ധിയില്‍ അനുമോദനങ്ങള്‍ അറിയിച്ച എംഎല്‍എമാര്‍ സന്തോഷം പങ്കുവച്ചു. തുടര്‍ന്നു മന്ത്രി കെ.ബി. ഗണേഷ്‌കുമാറിനൊപ്പം അദ്ദേഹത്തിന്റെ വണ്ടിയില്‍ പ്രിയദര്‍ശന്‍ വേട്ടമുക്കിലുള്ള തറവാട്ടുവീട്ടിലേക്കു പുറപ്പെട്ടു. അവിടെ അദ്ദേഹത്തെ കാത്ത് മാതാപിതാക്കള്‍ ഉണ്ടായിരുന്നു. തിരക്കിനിടെ ഓടിയെത്താറുള്ള പ്രിയനെ കാത്തിരിക്കുകയായിരുന്നു അവര്‍. വൈകുന്നേരം ചലച്ചിത്ര അക്കാദമി ചെയര്‍മാന്‍ എന്ന നിലയിലുള്ള ആദ്യ പൊതുപരിപാടി. സംസ്ഥാന ടിവി അവാര്‍ഡ് വിതരണച്ചടങ്ങില്‍ മുഖ്യമന്ത്രിക്കും മന്ത്രിമാര്‍ക്കുമൊപ്പം പ്രിയദര്‍ശനും മുന്‍നിരയില്‍ സ്ഥാനംപിടിച്ചതോടെ ഇനിയുള്ള ദിനങ്ങളില്‍ മലയാള സിനിമയെ നയിക്കാന്‍ പ്രിയന്‍ മുന്‍നിരയില്‍ തന്നെ ഉണ്ടാകുമെന്ന് ഉറപ്പായി.

നേരത്തെ സൂപ്പര്‍താരം മോഹന്‍ലാലിനെ ചലചിത്രഅക്കാദമിയുടെ അമരക്കാരനാക്കാനായിരുന്നു ഗണേഷിന്റെ താല്‍പര്യം. ഇതിനു മോഹന്‍ലാല്‍ തയ്യാറാണോ എന്ന് അന്വേഷിച്ച മന്ത്രി കെ ബി ഗണേഷ്‌കുമാര്‍ നിരാശനാവുകയും ചെയ്തിരുന്നു. തനിക്കു താല്‍പര്യമില്ലെന്നായിരുന്നു മോഹന്‍ലാലിന്റെ പ്രതികരണം. കാരണമായി പറഞ്ഞത് സമയക്കുറവാണെങ്കിലും തന്നേക്കാള്‍ ജൂണിയര്‍ നടനായ ഗണേഷ്‌കുമാറിനു കീഴിലെ അക്കാദമിയില്‍ ചെയര്‍മാനാകാനുള്ള മടിയാണ് യഥാര്‍ത്ഥ കാരണം. പ്രോട്ടോക്കോള്‍ പ്രകാരം അക്കാദമി ചെയര്‍മാനു മുകളിലുള്ള മന്ത്രിയുമായി ഒന്നിച്ചു യോഗങ്ങളിലും മറ്റും പങ്കെടുക്കേണ്ടി വരുമ്പോഴുണ്ടാകുന്ന പ്രശ്‌നങ്ങളും മറ്റും അടുത്ത സുഹൃത്തുക്കളോട് ലാല്‍ ചൂണ്ടിക്കാണിച്ചതായി അറിയുന്നു. ടെറിട്ടോറിയല്‍ ആര്‍മിയില്‍ ലഫ്റ്റനന്റ് കേണല്‍ കൂടിയായ മോഹന്‍ലാല്‍ ചലച്ചിത്ര അക്കാദമി ചെയര്‍മാനാകുന്നതിനെ മുതിര്‍ന്ന സഹപ്രവര്‍ത്തകരും വിലക്കി. പകരം പ്രമുഖ സംവിധായന്‍ പ്രിയദര്‍ശനെയാണ് ചെയര്‍മാന്‍ സ്ഥാനത്തേക്ക് പിന്നീട് പരിഗണിച്ചത്.  മോഹന്‍ലാലിന്റെ പത്തിരിട്ടി തിരക്കുള്ള പ്രീയന്‍ ചുമതല ഏല്‍ക്കുകയും ചെയ്തു.

മുഖ്യധാരാ സിനിമയില്‍ സജീവമായ ഏതെങ്കിലും പ്രമുഖനെ ചെയര്‍മാനാക്കാനാണ് മന്ത്രി ഗണേഷ്‌കുമാര്‍ തുടക്കം മുതല്‍ ശ്രമിക്കുന്നത്. അതിന്റെ ഭാഗമായാണ് മോഹന്‍ലാലിനെ മന്ത്രിതന്നെ നേരിട്ടു സമീപിച്ചത്. മോഹന്‍ലാല്‍ ചെയര്‍മാനാകുന്നതോടെ ആഗോളതലത്തില്‍ തന്നെ സംസ്ഥാന ചലച്ചിത്ര അക്കാദമിക്കു കിട്ടാനിടയുള്ള ശ്രദ്ധയും പരിഗണനയും മറ്റും കണക്കിലെടുത്തായിരുന്നു ഇത്. പ്രിയദര്‍ശന്‍ ചെയര്‍മാനായതോടെ ലോക സിനിമാ രംഗത്തു നിന്നുള്ള ശ്രദ്ധ ലഭിക്കുമെന്നാണ് കണക്കുകൂട്ടല്‍. പ്രത്യേകിച്ചും ചലച്ചിത്ര അക്കാദമിയുടെ ഏറ്റവും പ്രധാന പരിപാടിയായ ഇന്റര്‍നാഷണല്‍ ഫിലിം ഫെസ്റ്റിവല്‍ ഒഫ് കേരള ( ഐഎഫ്എഫ്‌കെ)യുടെ നടത്തിപ്പിലും മറ്റും, പ്രിയദര്‍ശന്റെ സാന്നിധ്യം ഗുണം ചെയ്യും.

അതേസമയം, കഴിഞ്ഞ യുഡിഎഫ് സര്‍ക്കാരിന്റെ കാലത്ത് അക്കാദമി ചെയര്‍മാനായിരുന്ന സംവിധായകന്‍ ടി കെ രാജീവ്കുമാറിനെ ചെയര്‍മാനാക്കാന്‍ സിനിമാ നിര്‍മാതാക്കളുടെ സംഘടനാ നേതൃത്വം സമ്മര്‍ദം ചെലുത്തിയിരുന്നു. പ്രമുഖ നിര്‍മാതാവ് സുരേഷ്‌കുമാറാണ് പ്രധാനമായും ഇതിനു ചരടു വലിച്ചത്. മറ്റൊരുവശത്ത് കോണ്‍ഗ്രസ് നേതാവ് പാലോടു രവി മുഖേന സംവിധായകന്‍ രാജീവ്‌നാഥും ശ്രമം നടത്തിയിരുന്നു. കെപിസിസിയുടെ സാംസ്‌കാരിക വിഭാഗം ചെയര്‍മാന്‍ കൂടിയായ പാലോടു രവി എംഎല്‍എ ഇക്കാര്യം ഗണേഷ്‌കുമാറുമായി സംസാരിക്കുകയും ചെയ്തു. എന്നാല്‍ രാജീവ്കുമാറിന്റെയും രാജീവ്‌നാഥിന്റെയും കാര്യത്തില്‍ ഗണേഷ്‌കുമാര്‍ കാര്യമായ താല്‍പര്യം കാണിച്ചിട്ടില്ലെന്നുമാത്രമല്ല പ്രീയനുവേണ്ടി ശക്തമായി വാദിക്കുകയും ചെയ്തു. ഒടുവില്‍ ഗണേഷന്റെ പിടിവാശി ഫലിക്കുകയുമായിരുന്നു.

പൃഥ്വിയെ വേണ്ടെന്നുവച്ച അമല ജീവയ്‌ക്കൊപ്പം

സ്വന്തം ലേഖകന്‍

മലയാളത്തിന്റെ ബിഗ്സ്റ്റാര്‍ പൃഥ്വിരാജിനോ തമിഴിലെ സൂപ്പര്‍ സ്റ്റാര്‍ പദവിയിലേക്കുപോലും എത്താത്ത ജീവയ്ക്കാണോ സ്റ്റാര്‍ വാല്യൂ കൂടുതല്‍. കുഴപ്പിക്കുന്ന ചോദ്യമാണിത്. മലയാളം, തമിഴ്, തെലുങ്ക്, ഹിന്ദി ഭാഷകളില്‍ അഭിനയിക്കുന്ന നടനാണ് പൃഥ്വിരാജ്. ജീവയാകട്ടെ തമിഴകത്ത് മാത്രം ശ്രദ്ധ കേന്ദ്രീകരിച്ചിരിക്കുന്ന നടന്‍.

എന്തായാലും, അമല പോള്‍ എന്ന യുവ നടി ജീവയ്ക്കാണ് പ്രാധാന്യം നല്‍കിയിരിക്കുന്നത്. 'ഇന്ത്യന്‍ റുപ്പീ' എന്ന ചിത്രത്തിലേക്ക് പൃഥ്വിരാജിന്റെ നായികയാകാന്‍ അമല പോളിനെ സംവിധായകന്‍ രഞ്ജിത് ക്ഷണിച്ചിരുന്നു. എന്നാല്‍ 'ഡേറ്റില്ല' എന്ന ഒറ്റവാക്കില്‍ ആ ഓഫര്‍ നിരസിക്കുകയാണ് അമല ചെയ്തത്. എന്നാല്‍ മിഷ്‌കിന്‍ സംവിധാനം ചെയ്യുന്ന ജീവ ചിത്രം 'മുഖംമൂടി'യില്‍ അമല പോളിനെ നായികയായി നിശ്ചയിച്ചിരിക്കുന്നു എന്നാണ് പുതിയ വാര്‍ത്ത.

കോ എന്ന സൂപ്പര്‍ ഹിറ്റ് സിനിമയില്‍ നായകനായി തിളങ്ങിയ ജീവയ്ക്ക് ഇപ്പോള്‍ കൈനിറയെ ചിത്രങ്ങളാണ്. ജീവയുടെ ഡേറ്റിനായി കാത്ത് നില്‍ക്കുകയാണ് തമിഴകത്തെ പല പ്രമുഖ സംവിധായകരും. ഇതിനിടയിലാണ് ആക്ഷന്‍ അഡ്വഞ്ചര്‍ ചിത്രമായ 'മുഖംമൂടി' യു ടി വി മോഷന്‍ പിക്‌ചേഴ്‌സാണ് നിര്‍മ്മിക്കുന്നത്. ആ ചിത്രത്തിലേക്ക് ക്ഷണമെത്തിയത് അമല പോളിനെ ആവേശം കൊള്ളിച്ചിരിക്കുകയാണ്.

മുഖംമൂടിയില്‍ അഭിനയിക്കുന്നതിന്റെ അവസാന തീരുമാനം ആയിട്ടില്ല. യു ടി വിയുടെ ദൈവതിരുമകള്‍ ഈയാഴ്ച റിലീസ് ചെയ്യുകയാണ്. അടുത്തയാഴ്ചയോടെ ഞാന്‍ അഭിനയിക്കുന്ന കാര്യത്തില്‍ അന്തിമ തീരുമാനമാകും' വിക്രം നായകനാകുന്ന ദൈവത്തിരുമകളിലെ ഒരു നായിക അമല പോളാണ്. എന്നേത്തേടി ഒട്ടേറെ നല്ല കഥാപാത്രങ്ങള്‍ വരുന്നതില്‍ എനിക്ക് സന്തോഷമുണ്ട്. സംവിധായകര്‍ക്കും നിര്‍മ്മാതാക്കള്‍ക്കും ഞാന്‍ നന്ദി പറയുന്നു' മലയാളിയും കോഴിക്കോട് സ്വദേശിയുമായ അമല പോള്‍ പറയുന്നു.

മലയാളത്തിലെ ഏറ്റവും മികച്ച സംവിധായകരില്‍ ഒരാളായ രഞ്ജിത്തും ബിഗ് സ്റ്റാര്‍ പൃഥ്വിരാജും ഒരുമിക്കുന്ന സിനിമ വേണ്ടെന്നുവച്ച അമല ഉടനെയൊന്നും മലയാളത്തിലേക്കില്ല എന്ന തീരുമാനത്തിലാണ്. തനിക്ക് ഇപ്പോള്‍ കൈനിറയെ അവസരങ്ങളുള്ള തമിഴകത്തെ ഒന്നാം നമ്പര്‍ നായികയാകുകയാണ് അമല പോളിന്റെ ലക്ഷ്യം

Tuesday, July 12, 2011

4ഡി സിനിമ ചില പ്രേക്ഷകരെയെങ്കിലും തളര്‍ത്തുന്നു, അസ്വസ്ഥരാക്കുന്നു

സ്വന്തം ലേഖകന്‍

4ഡി സിനിമ ചില പ്രേക്ഷകരെയെങ്കിലും തളര്‍ത്തുന്നു, അസ്വസ്ഥരാക്കുന്നു അടിയും ഇടിയും വെടിയും പടയും നേരിട്ട്‌ അനുഭവിക്കാന്‍ കഴിയുന്നുവെന്നതാണ്‌ 4ഡി സിനിമകളുടെ പ്രത്യേകത. കുങ്‌ ഫൂ പാണ്ട അടികൂടുമ്പോള്‍ ഓരോ പ്രേക്ഷകനും ഇടിയുടെ ഫീല്‍ സ്വന്തം ശരീരത്തില്‍ അനുഭവിച്ചറിയും. പൈറേറ്റ്‌സ്‌ ഓഫ്‌ കരീബിയന്‍ കാണുമ്പോള്‍ കടല്‍വെള്ളത്തിന്റെ ചൊരുക്കറിയും. വെടിമരുന്നിന്റെ ഗന്ധം മൂക്കിലെത്തും. ഇതിനായുളള സര്‍വസജ്ജീകരണങ്ങളുള്ള തീയേറ്ററുകള്‍ ലോകത്തിന്റെ പല ഭാഗങ്ങളിലും ഉയര്‍ന്നു വരികയാണ്‌. അതുകൊണ്ടുതന്നെ പല ഹോളിവുഡ്‌ ബ്ലോക്ക്‌ബസ്‌റ്ററുകളും 4ഡി ആയി രൂപമാറ്റം ചെയ്യുകയാണ്‌.

സംഗതി ഇങ്ങനെയൊക്കെയാണെങ്കിലും 4ഡി സിനിമ കാണുന്നത്‌ പ്രേക്ഷകര്‍ക്ക്‌ അത്ര സുഖകരമായ അനുഭവമല്ലെന്ന്‌ പലരും പറയുന്നു. സങ്കടവും സന്തോഷവുമെല്ലാം നേരിട്ട്‌ അനുഭവിക്കുമ്പോള്‍ ശാരീരികമായും മാനസികമായും ക്ഷീണവും പ്രയാസവും അനുഭവപ്പെടുന്നുവെന്നാണ്‌ പലരുടെയും പരാതി. ചില രംഗങ്ങള്‍ കാണുമ്പോള്‍ ചിലര്‍ക്ക്‌ ഛര്‍ദ്ദിക്കാന്‍ വരുന്നുവത്രേ. കടലും വെടിമരുന്നും നേരിട്ട്‌ ഗന്ധമായും ശബ്ദമായും അനുഭവിക്കുന്നത്‌ പലര്‍ക്കും അസ്വസ്ഥ ഉളവാക്കുന്നു. തീപിടിക്കുന്നതിന്റെയും വെടിപൊട്ടുന്നതിന്റെയുമെല്ലാം കാറ്റുവീശുന്നതിന്റെയും നേരനുഭവമാണ്‌ തീയേറ്ററുകളില്‍ പ്രേക്ഷകര്‍ അനുഭവിക്കുന്നത്‌.

Sunday, July 10, 2011

തുണിയുരിഞ്ഞുകിട്ടുന്ന 7.5 കോടി രൂപ വേണ്ടെന്നു ദീപിക

സ്വന്തം ലേഖകന്‍

മുംബൈ:ലോകപ്രശസ്തമായ പ്ലേബോയ് മാഗസിന്‍ ഇന്ത്യന്‍ സുന്ദരി ദീപിക പാദുക്കോണിനെ സമീപിച്ചു. പൂര്‍ണമായും നഗ്‌നമായ സ്തനങ്ങള്‍ കൈകള്‍കൊണ്ട് പൊത്തിപ്പിടിക്കുന്ന തരത്തിലുള്ള മൂന്നുനാലു ചിത്രങ്ങള്‍ എടുക്കാന്‍ സമ്മതിച്ചാല്‍ 7.5 കോടി രൂപ നല്‍കാമെന്ന വാഗ്ദാനവും മാഗസിന്‍ ഉടമകള്‍ നല്കി. പക്ഷെ ബോളിവുഡിന്റെ ഈ സ്വപ്‌നസുന്ദരി ഈ ഓഫര്‍ തള്ളി. കോടികളുടെ അഴിമതിക്കഥകളും കോടികളുടെ സ്വന്തുക്കള്‍ കണ്ടെത്തിയതുമായ വാര്‍ത്തകളും നിറഞ്ഞുനില്‍ക്കുമ്പോള്‍ത്തന്നെയാണ് ദീപിക കോടികള്‍ തള്ളിയ വാര്‍ത്തയും പുറത്തുവരുന്നത്. പുരുഷന്മാര്‍ക്കുവേണ്ടിയുള്ള അത്യാവശം ചൂടന്‍സംഭവങ്ങളുമായി വരുന്ന പ്ലേബോയ് മാസികയുടെ കവറില്‍ പ്രത്യക്ഷപ്പെടുന്നതിനായുള്ള പ്രതിഫലമായാണ് മാസിക 7.5 കോടിയുടെ ഓഫര്‍ വച്ചത്.

ഏഷ്യന്‍ സുന്ദരികളോട് പ്രത്യേക താത്പര്യം പുലര്‍ത്തുന്ന മാഗസിനുവേണ്ടി ബോളിവുഡില്‍ നിന്നും നിരവധി താരങ്ങള്‍ ബിക്കിനിയണിഞ്ഞും മറ്റും നേരത്തെ പോസുചെയ്തിട്ടുണ്ട്. ഹോളിവുഡ് താരങ്ങളാണെങ്കില്‍ അതിലേറെ ഗ്ലാമറായും എത്തിയിട്ടുണ്ട്. വളരെ ഹോട്ടായ രീതിയില്‍ പോസുചെയ്യണമെന്നുള്ളതുകൊണ്ടാണ് വാഗ്ദാനം നിരസിച്ചതെന്ന് ദീപിക പറയുന്നു. എന്നാല്‍ 7.5 കോടി തന്റെ കുടുംബത്തിന്റെയും തന്റേയും ഇപ്പോഴുള്ള സ്റ്റാറ്റസ് വിട്ടുകളഞ്ഞ് വേണ്ടെന്നാണ് ദീപികയുടെ അഭിപ്രായം. കോടിശ്വരപുത്രനായ സിദ്ധാര്‍ത്ഥ് മല്യ സുഹൃത്തായുള്ളപ്പോള്‍ 7.5 കോടി ദീപികയ്‌ക്കെന്തിനാ എന്നാണ് ആരാധകരുടെ സംശയം. ദീപികയുടെ സൌന്ദര്യത്തില്‍ മയങ്ങിയ സിദ്ധാര്‍ത്ഥ് 16 കോടി രൂപ വില വരുന്ന ഒരു ഫഌറ്റ് അടുത്തിടെയാണ് അവര്‍ക്ക് സമ്മാനമായി നല്‍കിയത്. എന്നാല്‍, ദീപികയ്ക്ക് വേണ്ടി ഇത്രയൊന്നും ചെയ്താല്‍ പോര എന്നാണത്രേ സിദ്ധാര്‍ത്ഥിന്റെ ഇപ്പോഴത്തെ നിലപാട്.

ദീപികയുടെ കൂട്ടുകെട്ട് നല്‍കിയ ഒരു പുത്തനാശയം സിദ്ധാര്‍ത്ഥ് പ്രാവര്‍ത്തികമാക്കാന്‍ പോവുകയാണെന്നാണ് റിപ്പോര്‍ട്ടുകള്‍. ദീപികയുടെ പ്രോത്സാഹനത്തില്‍ സിദ്ധാര്‍ത്ഥ് ഒരു സിനിമ നിര്‍മ്മാണ കമ്പനി ആരംഭിക്കാന്‍ പോവുകയാണത്രേ. പുതിയ കമ്പനി നിര്‍മ്മിക്കുന്ന ആദ്യ സിനിമയില്‍ ദീപിക തന്നെയായിരിക്കും നായിക. ആദ്യ പദ്ധതിയുടെ ബജറ്റ് 60 കോടി രൂപയാണെന്നാണ് സൂചന. ഒരു ആക്ഷന്‍ സിനിമയിലൂടെ നിര്‍മ്മാണ രംഗത്ത് ചുവടുറപ്പിക്കാനാണ് സിദ്ധാര്‍ത്ഥിന്റെ പദ്ധതി. സിനിമയില്‍ ദീപിക ആക്ഷന്‍ റോളിലായിരിക്കും എത്തുക. എന്നാല്‍, സിദ്ധാര്‍ത്ഥോ ദീപികയോ ഇതു സംബന്ധിച്ച് ഇതുവരെ സ്ഥിരീകരണമൊന്നും നല്‍കിയിട്ടില്ല. അതേസമയം പ്രണയത്തിലാണ് തങ്ങളെന്ന് ഇതുവരെ ഇരുവരും സമ്മതിച്ചിട്ടില്ല. ദീപിക പറയും സിദ്ധാര്‍ത്ഥ് നല്ല സുഹൃത്താണെന്ന്.

ഇത് ഹൈ പ്രൊഫൈല്‍ ബന്ധങ്ങളുടെ പതിവുരീതിയാണ്. കാര്യം ഇതിനൊന്നുമല്ലെന്ന് എല്ലാവര്‍ക്കും അറിയുകയും ചെയ്യാം. ദീപികയുടെയും സിദ്ധാര്‍ഥിന്റെയും കാര്യത്തിലാണെങ്കില്‍ ഇവര്‍ തമ്മില്‍ വെറും സൗഹൃദമല്ലെന്ന് സ്ഥാപിക്കുന്ന ഒട്ടേരെ കാര്യങ്ങളാണ് ഒന്നിനുപുറകേ ഒന്നായി പുറത്തുവന്നുകൊണ്ടിരിക്കുന്നത്. ഇതിനിടെയിലും ഈ സുന്ദരിയുടെ വലയിലാക്കി തുണിയുരിയാന്‍ പ്ലേബോയി വിഫലശ്രമം നടത്തുകയായിരുന്നു. വര്‍ധിച്ചുവരുന്ന താരറാണിപ്പട്ടം തന്നെയാണ് ഓഫര്‍ നിരസിച്ചതിലൂടെ ദീപിക് ലക്ഷ്യമിടുന്നത്. ബോളിവുഡിന്റെ അടുത്ത പ്രതീക്ഷയാണ് അവരെന്നാണ് ആരാധകര്‍ പറയുന്നത്. അത്രയ്ക്ക് ആവേശോജ്ജ്വലമായിരുന്നു ദീപികയുടെ ബോളിവുഡിലെ അരങ്ങേറ്റം. 'ഓം ശാന്തി ഓം' എന്ന ഒറ്റച്ചിത്രം മാത്രമേ പുറത്തിങ്ങിയപ്പോഴേക്കും ഈ സുന്ദരി ലോക ശ്രദ്ധ നേടിക്കഴിഞ്ഞിരുന്നു.

ഇതിനുപിന്നാലെ സെലിബ്രിറ്റി മാസികയായ മാക്‌സിയുടെ പ്രശസ്തമായ ലോകത്തിലെ 100 ഹോട്ട് വനിതകളുടെ പട്ടികയില്‍ ദീപിക പദുക്കോണും സ്ഥാനം നേടി. തന്റെ രണ്ടാമത്തെ ചിത്രമായ 'ബച്‌ന യേ ഹസീനോ' എന്ന ചിത്രം പുറത്തിറങ്ങുന്നതിനു തൊട്ടുമുമ്പായിരുന്നു ഈ നേട്ടം. ഇന്ത്യയില്‍ നിന്ന് ആദ്യമായാണ് ഒരു സുന്ദരി ഈ പട്ടികയില്‍ ഇടം നേടുന്നത് എന്നത് ദീപികയുടെ നേട്ടത്തിന് പവന്‍ മാറ്റ് നല്‍കുന്നു. ഐശ്വര്യാ റായുടെ പിന്‍ഗാമിയായി വിശേഷിപ്പിക്കപ്പെടുന്ന ദീപികയെ തേടി ഇനിയും നേട്ടങ്ങള്‍ വരാനിരിക്കുന്നതേയുള്ളൂവെന്നാണ് ആരാധക മതം. പ്ലേബോയ് മാഗസിനില്‍ കാണാന്‍ കഴിയില്ലെങ്കിലും അടുത്തുതന്നെ തമിഴ് പറയുന്ന ഐശ്വര്യയെ കാണാന്‍ പറ്റിയേക്കും. അതും സൂപ്പര്‍സ്റ്റാര്‍ സ്റ്റൈല്‍മന്നനൊപ്പം. അസുഖകാലത്തെ തരണം ചെയ്ത് സ്‌റ്റൈല്‍ മന്നന്‍ രജനീ കാന്ത് തിരിച്ചു വരവുമ്പോള്‍ ഒപ്പം ദീപികയും ഉണ്ടാകും.

അസുഖമോചിതനായ വാര്‍ത്ത വന്നു തുടങ്ങിയതു മുതല്‍ മെഗാസ്റ്റാറിന്റെ വരാന്‍ പോവുന്ന ബിഗ് ബജറ്റ് ചിത്രം റാണയെക്കുറിച്ചുള്ള ഊഹാപോഹങ്ങള്‍ക്കും വിരാമമായിരിക്കുകയാണ്. ഇടയ്ക്ക് റാണയില്‍ നിന്നും രജനി പിന്‍മാറിയേക്കും എന്നുവരെ വാര്‍ത്തകളുണ്ടായിരുന്നു. കുറച്ചു ദിവസത്തെ വിശ്രമത്തിനു ശേഷം താന്‍ തന്നെ റാണയില്‍ അഭിനയിക്കുമെന്ന് രജനി സ്വന്തം കൈപ്പടയിലെഴുതിയ കത്തിലൂടെ വ്യക്തമാക്കിയിട്ടുണ്ട്. ഒന്നരമാസം മുമ്പ് ഷൂട്ടിങ്ങിനിടയിലാണ് രജനിയുടെ ആരോഗ്യസ്ഥിതി വഷളായതും സിംഗപ്പൂരിലുള്ള മൗണ്ട് എലിസബത്ത് സെന്റര്‍ ആശുപത്രിയിലും തുടര്‍ന്ന് തുടര്‍പരിശോധകള്‍ക്കായി ലണ്ടന്‍ ആശുപത്രിയിലും അഡ്മിറ്റ് ചെയ്തത്.

യെന്തിരന്റെ തകര്‍പ്പന്‍ വിജയത്തിനു ശേഷം, രജനിയുടെ ബിഗ് ബജറ്റ് ചിത്രമാണ് റാണ. കെ എസ് രവികുമാര്‍ ആണ് സംവിധാനം ചെയ്യുന്നത്. വന്‍ പ്രതീക്ഷകളോടെയാണ് ലക്ഷക്കണക്കിനു വരുന്ന രജനി ആരാധകര്‍ റാണ പൂര്‍ത്തിയാവുന്നതും കാത്തിരിക്കുന്നത്. 100 കോടിയാണ് ബജറ്റ്. മൂന്ന് വ്യത്യസ്ത ഗെറ്റപ്പുകളിലായാണ് രജനി ഇതില്‍ പ്രത്യക്ഷപ്പെടുന്നത്. ചിത്രത്തില്‍ ദീപിക പദുക്കോണും അനുഷ്‌കയുമാണ് നായികമാര്‍. നേരത്തെ രേഖയും വിദ്യാ ബാലനും നായികമാരാവാനുള്ള ഓഫര്‍ നിരസിച്ചിരുന്നു. രേഖയ്ക്കു പകരം ബോളിവുഡിലെ ഡ്രീം ഗേളായ സാക്ഷാല്‍ ഹേമ മാലിനി തന്നെ എത്തുമെന്നും പറയപ്പെടുന്നു. ഇതിനിടെ വിദ്യാ ബാലനു പകരം ദീപിക പദുക്കോണും തെലുങ്കിലെ സൂപ്പര്‍ നായിക ഇല്യാനയും എത്തുമെന്നും സംസാരമുണ്ട്.

Friday, July 1, 2011

ബ്രിട്ടണിലെ അടിവസ്ത്ര മോഡല്‍ ഇനി ദിലീപിനൊപ്പം

സ്വന്തം ലേഖകന്‍

മദ്രാസി പട്ടണമെന്ന തമിഴ്‌സിനിമയിലെ ആ ബ്രിട്ടിഷ് സുന്ദരിയെ ഓര്‍മയുണ്ടോ. മദ്രാസി പട്ടണത്തിലെ നായകനെ അവതരിപ്പിച്ച ആര്യ വികാരവിവശനായി അവള്‍ക്കായി ഞാന്‍ കാത്തിരിക്കുകയാണെന്ന് സിനിമയ്ക്ക് ശേഷം പറഞ്ഞത് മാധ്യമങ്ങള്‍ വാര്‍ത്തയാക്കിയിരുന്നു. ആര്യയെക്കൊണ്ട് ഇങ്ങനെ പറയിച്ച ആ സുന്ദരിയെ ഇനി മലയാളത്തില്‍ ദിലീപിനൊപ്പം കാണാം.

ലാല്‍ ജോസ് ചിത്രമായ സ്പാനിഷ് മസാലയിലെ നായികയായി മദ്രാസി പട്ടണത്തിലെ നായികാ കഥാപാത്രത്തെ അവതരിപ്പിച്ച എമി ജാക്‌സണെ തെരഞ്ഞെടുത്തു കഴിഞ്ഞു. ചിത്രത്തില്‍ നായികയായി ഒരു സ്പാനിഷ് സുന്ദരിയെ തേടിനടന്ന ലാല്‍ ജോസിന്റെ അന്വേഷണം ഈ ബ്രിട്ടിഷുകാരിയില്‍ അവസാനിക്കുകയായിരുന്നു. ചാങ് ഷു മിന്‍ എന്ന ചൈനക്കാരിയെ അറബിക്കഥയിലൂടെ നായികയായി അവതരിപ്പിച്ച സംവിധായകനാണ് ലാല്‍ ജോസ്. സ്പാനിഷ് മസാലയുടെ ചിത്രീകരണം പൂര്‍ണമായും സ്‌പെയിനിലായിരിക്കും നടക്കുക.



മുന്‍ 'മിസ് ടീന്‍ വേള്‍ഡ്‌' ജേതാവാണ് എമി. കൂടാതെ കഴിഞ്ഞ വര്‍ഷം മിസ് ലിവര്‍പൂള്‍ ആയും തിരഞ്ഞെടുക്കപ്പെട്ടിട്ടുണ്ട്. മോഡലിങില്‍ ശ്രദ്ധ കേന്ദ്രീകരിച്ച് നടക്കുമ്പോഴാണ് മദ്രാസി പട്ടണത്തില്‍ അഭിനയിക്കാന്‍ അവസരം ലഭിക്കുന്നത്.

മദ്രാസി പട്ടണം വന്‍ ഹിറ്റായതോടെ എമിക്ക് തമിഴ് സിനിമയില്‍ നിന്ന് അവസരങ്ങളുടെ പ്രവാഹമായി. ഗൗതം മേനോന്‍ സംവിധാനം ചെയ്യുന്ന 'വിണ്ണൈത്താണ്ടി വരുവായ' ഹിന്ദി റീമേക്ക് 'പ്രേംകഥ'യില്‍ അഭിനയിച്ചു വരികയാണ് ഇപ്പോള്‍ എമി. ലാല്‍ ജോസ് ചിത്രമാണെന്നറിഞ്ഞതോടെ മലയാളത്തില്‍ അഭിനയിക്കാന്‍ എമി സമ്മതം മൂളുകയായിരുന്നു എന്നാണ് റിപ്പോര്‍ട്ടുകള്‍. ഒരു മലയാളി യുവാവും സ്പാനിഷ് യുവതിയുമായുണ്ടാകുന്ന പ്രണയബന്ധമാണ് സ്പാനിഷ് മസാലയുടെ പ്രമേയം.



ഒട്ടേറെ സ്പാനിഷ് സുന്ദരിമാരുടെ ഫോട്ടോ സെഷന്‍ നടത്തിയെങ്കിലും ഒടുവില്‍, നായികയായി ബ്രിട്ടീഷ് മോഡല്‍ കൂടിയായ എമി ജാക്‌സണ്‍ മതി എന്ന് ലാല്‍ ജോസ് തീരുമാനിക്കുകയായിരുന്നു. ബെന്നി പി നായരമ്പലമാണ് സ്പാനിഷ് മസാലയ്ക്ക് തിരക്കഥയെഴുതുന്നത്. ദിലീപ് ബെന്നി ലാല്‍ ജോസ് ടീമിന്റെ 'ചാന്തുപൊട്ട്' മെഗാഹിറ്റായിരുന്നല്ലോ. ആ വിജയം ആവര്‍ത്തിക്കാനാകുമെന്നാണ് ലാല്‍ ജോസിന്റെ പ്രതീക്ഷ.

നൌഷാദ് നിര്‍മ്മിക്കുന്ന സ്പാനിഷ് മസാലയില്‍ കുഞ്ചാക്കോ ബോബനും ഒരു പ്രധാന കഥാപാത്രത്തെ അവതരിപ്പിക്കുന്നു. റഫീഖ് അഹമ്മദിന്റെ വരികള്‍ക്ക് സംഗീതം വിദ്യാസാഗര്‍. ജൂലൈ പകുതിയോടെ ചിത്രീകരണം ആരംഭിക്കും. ചന്ദ്രനുദിക്കുന്ന ദിക്കില്‍, മീശമാധവന്‍, രസികന്‍, ചാന്തുപൊട്ട്, മുല്ല എന്നിവയാണ് ദിലീപും ലാല്‍ജോസും ഒന്നിച്ച സിനിമകള്‍.

Sunday, June 19, 2011

അതു ദിലീപല്ല, വെറുമൊരു ഗോവാലക്രഷ്ണന്‍....

സ്വന്തം ലേഖകന്‍

കൊച്ചി: സൂപ്പര്‍സ്റ്റാര്‍ ദിലീപിന്റെ ഫെയ്‌സ്ബുക്ക് സുഹൃത്താണെന്നു പറഞ്ഞുനടക്കുന്നവര്‍ ഓര്‍ക്കുക. ദിലീപിന് ഫെയ്‌സബുക്കില്‍ അക്കൗണ്ടില്ല. മാത്രമുവല്ല സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ കയറിയിറങ്ങി സമയംകളയുന്ന ടെക്‌നിബാധയുള്ള താരവുമല്ല അദ്ദേഹം. അതായത് ഇപ്പോള്‍ ഫെയ്‌സ്ബുക്കിലുള്ള നിങ്ങളുടെ ചലചിത്രതാരം സുഹൃത്ത് വെറും ഡ്യൂപ്പാണെന്ന്. ദിലീപിന്റെ പേരും പടവുമായി ഫെയ്‌സബുക്കില്‍ ഏതോ ഒരു ഗോവാലക്രഷ്ണനാണ് പ്രത്യക്ഷപ്പെട്ടിരിക്കുന്നത്. ഒരു ചലിചിത്രവാരികയ്ക്കു നല്‍കിയ അഭിമുഖത്തിലാണ് തന്റെ ഫെയ്‌സ്ബുക്ക് ഡ്യൂപ്പിനെക്കുറിച്ച് ദിലീപ് മനസുതുറന്നത്. ഒപ്പം കുറെ രഹസ്യങ്ങളും.

ചാറ്റിംഗോ ഇന്റര്‍നെറ്റ് ബ്രൗസിംഗോ ഒരിക്കലും തന്നെ ഭ്രമിപ്പിച്ചിട്ടില്ലെന്നും ഗോപാലകൃഷ്ണന്‍ എന്ന ദിലീപ് പറയുന്നു. അതിനുള്ള സമയമൊന്നും തനിക്കില്ല. സിനിമയ്ക്കുവേണ്ടി ഇരുപത്തിനാല് മണിക്കൂറും ചിലവഴിക്കുന്ന ഒരാളാണ് ഞാന്‍. പിന്നെ ഇത്തരത്തിലുള്ള ഇന്റര്‍നെറ്റിലെ ചാറ്റിംഗിന് ഇരിക്കാന്‍ സമയം വേണ്ടെയെന്നാണ് താരത്തിന്റെ ചോദ്യം. ദിലീപ് ഗോപാലകൃഷ്ണന്‍ എന്ന പേരിലാണ് അപരന്‍ അക്കൗണ്ട് ഉണ്ടാക്കിയിരിക്കുന്നത്. ഫെയ്ക്കാണെന്നറിയാതെ ആയിരക്കണക്കിന് ആരാധകരാണ് ദിലീപിന്റെ ഫ്രണ്ട് ലിസ്റ്റിലുള്ളത്. സിനിമകളെക്കുറിച്ച് ചോദിക്കുന്നതിന് വ്യകതമായ മറുപടികളും അപരന്‍ നല്കുന്നുമുണ്ടത്രെ.

മിസ്റ്റര്‍ മരുമകന്‍ എന്ന ചിത്രത്തിന്റെ ഷൂട്ടിംഗുമായി ബന്ധപ്പെട്ട് ദിലീപ് ഇപ്പോള്‍ കൊച്ചിയിലാണ്. പ്രശസ്ത തമിഴ്‌നടന്‍ ഭാഗ്യരാജ് ആദ്യമായി മലയാളത്തിലെത്തുന്ന ചിത്രത്തില്‍ ബാലതാരമായി അരങ്ങേറ്റം കുറിച്ച സനുഷയാണ് നായിക. വര്‍ണചിത്ര ബിഗ് സ്‌ക്രീനിന്റെ ബാനറില്‍ സന്ധ്യമോഹന്‍ സംവിധാനം ചെയ്യുന്ന മിസ്റ്റര്‍ മരുമകനില്‍ നായികയാവുന്നത്. ബിജുമേനോന്‍, നെടുമുടി വേണു, സലിംകുമാര്‍, സുരാജ് വെഞ്ഞാറമൂട്, ഹരിശ്രീ അശോകന്‍, സായ്കുമാര്‍, ഖുശ്ബു, ഷീല, മല്ലിക, റിഷ, അംബിക മോഹന്‍ തുടങ്ങിയവരാണ് മിസ്റ്റര്‍ മരുമകനോടൊപ്പം ഈ ചിത്രത്തില്‍ എത്തുന്നത്. ക്രിസ്ത്യന്‍ ബ്രദേഴ്‌സ് എന്ന ഹീറ്റ് ചിത്രത്തിനു ശേഷം ഉദയ്കൃഷ്ണ സിബി കെ. തോമസ് തിരക്കഥ, സംഭാഷണമെഴുതുന്ന ഈ ചിത്രത്തിന്റെ ഛായാഗ്രഹണം പി. സുകുമാര്‍ നിര്‍വഹിക്കുന്നു. പി.ടി. ബിനു, സന്തോഷ് വര്‍മ എന്നിവരുടെ വരികള്‍ക്ക് ഈണം പകരുന്നത് സുരേഷ് പീറ്റേഴ്‌സാണ്.

ഒരുകാലത്ത് വളരെ നല്ല നിലയില്‍ നടത്തിക്കൊണ്ടിരുന്ന ഭരതകലാക്ഷേത്രം ഡ്രാമസ്‌കോപ്പ് ട്രൂപ്പിന്റെ ചുമതല ഇപ്പോഴത്തെ ശോചനീയാവസ്ഥയില്‍ നിന്ന് രക്ഷപ്പെടുത്താന്‍ അച്ഛന്റെ സമ്മതത്തോടെ മകന്‍ അശോക്‌രാജ് ഏറ്റെടുക്കുന്നു. സ്വന്തം പേര് മാറ്റി അശോക് ചക്രവര്‍ത്തിയെന്നാക്കി പുതിയ രൂപഭാവത്തില്‍ നാടകം അവതരിപ്പിച്ചുവെങ്കിലും ഫലമുണ്ടായില്ല. അതോടെ ബാധ്യത വര്‍ധിക്കുന്നു. എം.ബി.എ. പാസ്സായി വന്ന അശോക്‌രാജിന്റെ ചേട്ടന്‍ ബാബുരാജ് നാട്ടിലെത്തി വീടും പറമ്പുമൊക്കെ പണയപ്പെടുത്തി പുതിയ വ്യവസായത്തിന് തുടക്കം കുറിച്ചെങ്കിലും അതും നഷ്ടത്തിലാണ് കലാശിച്ചത്. കടക്കാരുടെ ശല്യം വര്‍ധിച്ചു. അതിനിടയിലാണ് വീട് ജപ്തി ചെയ്യാന്‍ ഒരു ഉയര്‍ന്ന ബാങ്ക് ഓഫീസര്‍ ബാലസുബ്രഹ്മണ്യം കടന്നുവരുന്നത്. വളരെ തന്ത്രപരമായി അശോക്‌രാജ്, ബാലസുബ്രഹ്മണ്യനെ സ്വാധീനിക്കാന്‍ ശ്രമിക്കുന്നതോടെ പ്രശ്‌നങ്ങള്‍ കൂടുതല്‍ ഗുരുതരമാവുന്നു.

ഇതിനിടയിലാണ് കളിക്കൂട്ടുകാരിയായിരുന്ന രാജലക്ഷ്മി പാരീസില്‍ നിന്ന് ഫാഷന്‍ ഡിസൈനില്‍ ഉന്നത ബിരുദം നേടിയെത്തുന്നത്. ഒന്നുരക്ഷപ്പെടാന്‍ രാജലക്ഷ്മിയെ ചെന്നു കാണാന്‍ ശ്രമിച്ചെങ്കിലും ഫലമുണ്ടായില്ല. തുടര്‍ന്ന് അശോക്‌രാജിന്റെ ജീവിതത്തിലുണ്ടാകുന്ന രസകരവും സംഭവബഹുലവുമായ മുഹൂര്‍ത്തങ്ങളാണ് കുടുംബ പശ്ചാത്തലത്തില്‍ സന്ധ്യാമോഹന്‍ മിസ്റ്റര്‍ മരുമകനില്‍ ദൃശ്യവത്കരിക്കുന്നത്. അശോക്‌രാജായി ദിലീപും ബാലസുബ്രഹ്മണ്യമായി ഭാഗ്യരാജും ബാബുരാജായി ബിജുമേനോനും രാജലക്ഷ്മിയായി സനുഷയും അഭിനയിക്കുന്നു.

വിജയ് വീണ്ടും പൊലീസ് വേഷത്തില്‍

സ്വന്തം ലേഖകന്‍

വിജയ് വീണ്ടും പൊലീസ് വേഷത്തില്‍ തമിഴകത്തിന്റെ ഇളയ ദളപതി വിജയ് വീണ്ടും പൊലീസ് വേഷത്തില്‍. വന്‍ഹിറ്റായി മാറിയ പോക്കിരിക്ക് ശേഷം ഇതാദ്യമായാണ് വിജയ് പൊലീസ് വേഷമണിയുന്നത്. സീമാന്‍ സംവിധാനം ചെയ്യുന്ന 'പഗലവന്‍' എന്ന സിനിമയിലാണ് വിജയ് വീണ്ടും പൊലീസാകുന്നത്. അനീതിയോട് എതിര്‍ക്കാനായി പൊലീസാകുന്ന കഥാപാത്രത്തെയാണ് വിജയ് ഈ ചിത്രത്തില്‍ അവതരിപ്പിക്കുന്നത്. കാലഹരണപ്പെട്ടതും നിരോധിച്ചതുമായ മരുന്നുകള്‍ വന്‍ തോതില്‍ വിറ്റഴിക്കുന്ന മരുന്നുമാഫിയയ്‌ക്കെതിരെ പ്രതികരിക്കുന്ന പുകഴേന്തി എന്ന കഥാപാത്രമായാണ് വിജയ് എത്തുന്നത്.

മരുന്നു മാഫിയയ്‌ക്കെതിരെ ശക്തമായി പ്രതികരിക്കുന്ന ഒരു ഡോക്ടറാണ് ചിത്രത്തിന്റെ തുടക്കത്തില്‍ പുകഴേന്തി. എന്നാല്‍ ഒരു ഡോക്ടര്‍ക്ക് വന്‍ ശക്തികള്‍ക്കെതിരെ പോരാടുന്നതിന് പരിമിതിയുണ്ടെന്ന് മനസിലാക്കുന്ന നായകന്‍ പൊലീസാകാന്‍ തീരുമാനിക്കുന്നു. അയാള്‍ സിവില്‍ സര്‍വീസ് പരീക്ഷ ജയിക്കുകയും ഐ പി എസ് തെരഞ്ഞെടുക്കുകയും ചെയ്യുന്നു. സമൂഹത്തില്‍ നിലനില്‍ക്കുന്ന അനീതികള്‍ക്കും അക്രമങ്ങള്‍ക്കുമെതിരെ ശക്തമായി പോരാടാനിറങ്ങുകയാണ് അയാള്‍. ഷങ്കര്‍ സംവിധാനം ചെയ്യുന്ന നന്‍പന്‍ എന്ന ചിത്രത്തിന് ശേഷം 'പഗല്‍വന്‍' ചിത്രീകരണം ആരംഭിക്കും.

ഹിന്ദിയില്‍ വന്‍ ഹിറ്റായി മാറിയ ത്രീ ഇഡിയറ്റ്‌സിന്റെ റീമേക്കാണ് നന്‍പന്‍. ചിത്രത്തില്‍ അമീര്‍ ഖാന്‍ അവതരിപ്പിച്ച നായക കഥാപാത്രമായാണ് വിജയ് എത്തുന്നത്. മാധവനും ശര്‍മാന്‍ ജോഷിയും അവതരിപ്പിച്ച സുഹൃത്തുക്കളുടെ റോളില്‍ ശ്രീകാന്തും ജീവയും എത്തും. ചിത്രത്തില്‍ ആദ്യം നായകനായി ആദ്യം നിശ്ചയിച്ചിരുന്നത് സൂര്യയെയായിരുന്നെങ്കിലും പിന്നീട് വിജയെ നിശ്ചയിക്കുകയായിരുന്നു. പോക്കിരിക്ക് ശേഷമിറങ്ങിയ ഒട്ടുമിക്ക വിജയ് ചിത്രങ്ങളും എട്ടുനിലയില്‍ പൊട്ടിയിരുന്നു. സുറ, അഴകിയ തമിഴ്മകന്‍, വേട്ടൈക്കാരന്‍, വില്ല് തുടങ്ങിയ ചിത്രങ്ങള്‍ ഒരേ അച്ചിലിട്ട് വാര്‍ത്തെടുത്തതാണെന്ന് പ്രേക്ഷകര്‍ക്ക് തോന്നിയതും ഈ ബോക്‌സ് ഓഫീസ് പരാജയത്തിന് കാരണമായി.

ഒടുവില്‍ മലയാളത്തില്‍ ദിലീപ് നായക വേഷത്തിലെത്തി സൂപ്പര്‍ ഹിറ്റായോടിയ ബോഡിഗാര്‍ഡിന്റെ തമിഴ് പതിപ്പായ കാവലനാണ് വിജയ്ക്ക് താരപരിവേഷം തിരികെ നല്‍കിയത്. ചിത്രത്തില്‍ അമാനുഷികനല്ലാത്ത സാധാരണക്കാരന്റെ റോളിലെത്തിയ വിജയെ ആരാധകര്‍ രണ്ട് കൈയും നീട്ടി സ്വീകരിച്ചു.