കൊടുങ്കാറ്റായി വീശാന്‍ മോഹന്‍ലാല്‍. ഒപ്പം ആഷിക് അബുവും. ന്യൂജനറഷേന്‍ സിനിമകളുടെ പ്രയോക്താവായ ആഷിക് അബുവും മോഹന്‍ലാലും ആദ്യമായി ഒന്നിക്കുന്ന ചിത്രമാണ് കൊടുങ്കാറ്റ്. മൂന്നു മാസം മുമ്പ് ലാലുമായി നടന്ന ചര്‍ച്ചയിലാണ് സിനിമ ചെയ്യാനുള്ള തീരുമാനമായതെന്ന് സംവിധായകന്‍ വെളിപ്പെടുത്തുന്നു.
ആഷിക്കിന്റെ സ്ഥിരം തിരക്കഥാകൃത്തുക്കളായ ശ്യാംപുഷ്‌കരന്‍-ദിലീഷ് നായര്‍(സാള്‍ട്ട് & പെപ്പര്‍, 22 ഫീമെയില്‍ കോട്ടയം, ഡാ തടിയ) ടീമിലെ ശ്യാം പുഷ്‌കരന്‍ 'കൊടുങ്കാറ്റ'ിലൂടെ സ്വതന്ത്ര തിരക്കഥാകൃത്തായി മാറുകയാണ്.
നേരത്തെ പ്രഖ്യാപിച്ച ഇടുക്കി ഗോള്‍ഡാണ് ആഷിക് ഉടന്‍ ചിത്രീകരിക്കുക. അതു കഴിഞ്ഞ് ഒക്‌ടോബറോടെ ബിഗ് ബജറ്റ് മമ്മൂട്ടി ചിത്രം ഗ്യാങ്‌സ്റ്റര്‍ തുടങ്ങും. അതിനും ശേഷമേ കൊടുങ്കാറ്റിന്റെ ജോലികള്‍ തുടങ്ങൂ. മിക്കവാറും വര്‍ഷാന്ത്യത്തോടെ ചിത്രം പ്രതീക്ഷിക്കാം. ആശിര്‍വാദ് സിനിമാസാണ് നിര്‍മ്മാണം.
No comments:
Post a Comment
Note: Only a member of this blog may post a comment.